ఆవు పేడలో భారీగా నోట్ల కట్టలు
ABN , Publish Date - Nov 18 , 2024 | 03:31 AM
ఆవు పేడలో భారీగా నోట్ల కట్టలు బయటపడిన ఉదంతం ఒడిసా రాష్ట్రంలో వెలుగుచూసింది.
ఒడిసాలో స్వాధీనం చేసుకున్న హైదరాబాద్‌ పోలీసులు
బాలాసోర్‌ (ఒడిసా), నవంబరు 17: ఆవు పేడలో భారీగా నోట్ల కట్టలు బయటపడిన ఉదంతం ఒడిసా రాష్ట్రంలో వెలుగుచూసింది. శనివారం అక్కడి బాలాసోర్‌ జిల్లా కమర్దా పోలీ్‌సస్టేషన్‌ పరిధిలోని బడమండరుని అనే ప్రాంతంలో హైదరాబాద్‌, ఒడిసాలకు చెందిన పోలీసు బృందాలు వాటిని స్వాధీనం చేసుకున్నాయి. హైదరాబాద్‌లోని ఓ ఆగ్రో కంపెనీలో పనిచేస్తున్న గోపాల్‌ బెహ్రా అనే వ్యక్తి.. కంపెనీ లాకర్‌ నుంచి దాదాపు రూ.20 లక్షలు దొంగిలించి పారిపోయాడు. పరారీలో ఉన్న నిందితుడు ఆ డబ్బును తన బావమరిది అయిన రవీంద్ర బెహ్రాతో సొంతూరు పంపించాడు. ఆగ్రో కంపెనీ యాజమాన్యం ఇచ్చిన ఫిర్యాదు మేరకు హైదరాబాద్‌ పోలీసులు రంగంలోకి దిగారు. కమర్దా పోలీసులతో కలిసి రవీంద్ర ఇంట్లో సోదాలు చేయగా.. అక్కడ పేడకుప్పలో ఈ నోట్ల కట్టలు బయటపడ్డాయి.
