Childrens Day: శ్రీరామకృష్ణ విద్యానికేతన్ హైస్కూల్‌లో ఘనంగా బాలల దినోత్సవం

నిజామాబాద్: శివాజీనగర్‌లోని శ్రీరామకృష్ణ విద్యానికేతన్ హైస్కూల్‌లో బాలల దినోత్సవాన్ని ఘనంగా నిర్వహించారు. విద్యార్ధినీ విద్యార్ధులు వివిధ వేషధారణల్లో ముస్తాబై అలరించారు. బాలల దినోత్సవం సందర్భంగా విద్యార్ధులకు నృత్య ప్రదర్శనలు, నాటక ప్రదర్శనలు, ఉపన్యాస పోటీలు నిర్వహించారు. ఈ సందర్భంగా జరిగిన కార్యక్రమంలో ప్రధానోపాధ్యాయురాలు సముద్రాల శశిరేఖ ప్రసంగించారు. మహనీయుల జీవితాలను ఆదర్శంగా తీసుకుని తల్లిదండ్రులకు, దేశానికి మంచిపేరు తీసుకొచ్చేందుకు విద్యార్ధులు ప్రయత్నించాలని ఆమె పిలుపునిచ్చారు.

కార్యక్రమంలో కరెస్పాండెంట్ సముద్రాల శ్రీనివాసాచారి, ట్రెజరర్ మధుసూదనాచారి ఇతర బోధనా సిబ్బంది పాల్గొన్నారు.