Today Horoscope: ఈ రాశి వారికి ఆర్థిక విషయాల్లో పెద్దల సహకారం లభిస్తుంది.

నేడు (05-06-2024 - బుధవారం)బంధుమిత్రుల సహకారంతో ఆర్థికపరమైన లక్ష్యాలు సాధిస్తారు. పెట్టుబడులు, పొదుపు పథకాలపై చర్చలకు అనుకూలం.

మేషం (మార్చి 21 - ఏప్రిల్‌ 20 మధ్య జన్మించిన వారు)

బంధుమిత్రుల సహకారంతో ఆర్థికపరమైన లక్ష్యాలు సాధిస్తారు. పెట్టుబడులు, పొదుపు పథకాలపై చర్చలకు అనుకూలం. ఆర్థిక విషయాల్లో సన్నిహితులు మొహమాటపెట్టే అవకాశం ఉంది. ఖర్చులు అధికం. గణపతి ఆరాధన శుభప్రదం.

వృషభం ( ఏప్రిల్‌ 21 - మే 20 మధ్య జన్మించిన వారు)

అదనపు ఆదాయం కోసం చేసే ప్రయత్నాలు ఫలిస్తాయి. పెట్టుబడుల విషయంలో కీలక నిర్ణయాలు తీసుకుంటారు. షాపింగ్‌ కోసం ఖర్చులు అధికం. వ్యక్తిగత సౌకర్యాల కోసం ఖర్చు చేస్తారు. శ్రమాధిక్యంతో లక్ష్యాలు సాధిస్తారు.

మిథునం (మే 21-జూన్‌ 21 మధ్య జన్మించిన వారు)

రాజకీయాలు, సినిమాలు, టెక్స్‌టైల్స్‌, కళల రంగాల వారికి ఆర్థికంగా లాభిస్తుంది. ఎగుమతులు, కన్సల్టెంట్‌ రంగాల వారికి ప్రోత్సాహకరగా ఉంటుంది. పట్టుదలతో లక్ష్యాలు సాధిస్తారు. దూరప్రయాణాల్లో ఊహించని చిక్కులు ఎదురవుతాయి. శ్రీరామచంద్రమూర్తిని ఆరాధించండి.

కర్కాటకం (జూన్‌ 22 - జూలై 23 మధ్య జన్మించిన వారు)

పెట్టుబడులు లాభిస్తాయి. వ్యాపారులు, బ్యాంకులు, ఆర్థిక సంస్థల వారికి ప్రోత్సాహకరంగా ఉంటుంది. ఆర్థిక విషయాల్లో సన్నిహితుల సహకారం లభిస్తుంది. ఖర్చులు అంచనాలు మించిపోతాయి. శ్రీ రామరక్షా స్తోత్ర పారాయణ శుభప్రదం.

సింహం (జూలై 24 - ఆగస్టు 23 మధ్య జన్మించిన వారు)

వ్యాపార రంగంలోని వారికి ప్రోత్సాహకరమైన రోజు ఆర్థిక విషయాల్లో పెద్దల సహకారం లభిస్తుంది. సమావేశాల్లో గౌరవ మర్యాదలకు భంగం కలిగే ప్రమాదం ఉంది. ప్రదర్శనలు, ఊరేగింపుల్లో పాల్గొంటారు. గణపతి ఆలయాన్ని దర్శించండి.

కన్య (ఆగస్టు 24 - సెప్టెంబరు 23 మధ్య జన్మించిన వారు)

వ్యాపార విషయాల్లో అంచనాలు ఫలిస్తాయి. ప్రింటింగ్‌, టెలివిజన్‌, న్యాయం, బోధన, కన్సల్టెన్సీ, రవాణా, రక్షణ రంగాల వారికి వృత్తిపరంగా అనుకూలంగా ఉంటుంది. చర్చలు, ప్రయాణాల్లో నిదానం పాటించాలి. బృందకార్యక్రమాల్లో ఖర్చులు అధికం.

తుల (సెప్టెంబరు 24 - అక్టోబరు 23 మధ్య జన్మించిన వారు)

ఆర్థిక విషయాల్లో మీ అంచనాలు ఫలిస్తాయి. బంధుమిత్రులను పరామర్శిస్తారు. విలువైన వస్తువులు సమకూర్చుకుంటారు. పన్నులు, బీమా వ్యవహారాలపై దృష్టి పెడతారు. పెద్దల ఆరోగ్యం ఆందోళన కలిగిస్తుంది. శ్రీ రామరక్షాస్తోత్ర పారాయణ శుభప్రదం.

వృశ్చికం (అక్టోబరు 24 - నవంబరు 22 మధ్య జన్మించిన వారు)

ఆర్థిక లావాదేవీలు, పెట్టుబడుల విషయాలకు అనుకూలమైన రోజు సన్నిహితులతో ఉల్లాసంగా గడుపుతారు. భాగస్వామి ఆరోగ్యం మెరుగుపడుతుంది. కొత్త పరిచయాల వల్ల లబ్ధి పొందుతారు. పందాలు, పోటీల్లో నష్టపోయే అవకాశం ఉంది. గణ పతి ఆరాధన శుభప్రదం.

ధనుస్సు (నవంబరు 23 - డిసెంబరు 21 మధ్య జన్మించిన వారు)

నూతన ప్రాజెక్టుల ప్రారంభానికి అనుకూలం. కొత్త పరిచయాలు ఉల్లాసం కలిగిస్తాయి. వ్యాపార రంగంలోని వారు లక్ష్యాలు సాధిస్తారు. వాణిజ్యం, వ్యవసాయ రంగాల వారికి నిరుత్సాహకరంగా ఉంటుంది. శ్రీ రామచంద్రమూర్తిని ఆరాధించంది.

మకరం (డిసెంబరు 22-జనవరి 20 మధ్య జన్మించిన వారు)

ప్రియతముల ఆరోగ్యం మెరుగుపడుతుంది. ప్రకటనలు, విద్యాసంస్థలు, ఫైనాన్స్‌ కంపెనీల వారు జాగ్రత్తలు పాటించాలి. కొత్త పరిచయాలు లాభిస్తాయి. సృజనాత్మక రంగాల వారికి అనుకూలంగా ఉంటుంది. ప్రియతముల వైఖరి ఆవేదన కలిగిస్తుంది. విష్ణుమూర్తి ఆరాధన శుభప్రదం.

కుంభం (జనవరి 21 - ఫిబ్రవరి 19 మధ్య జన్మించిన వారు)

కుటుంబ సభ్యుల వైఖరి ఉల్లాసం కలిగిస్తుంది. గృహనిర్మాణ సామగ్రి, ఫర్నీచర్‌ రంగాల వారికి ప్రోత్సాహకరంగా ఉంటుంది. ప్రియతములను కలుసుకుంటారు. చిన్నారులకు వసతి ల భిస్తుంది. ఖర్చులు అదుపులో ఉంచుకోవాలి. శ్రీ రామచంద్ర స్వామి ఆలయ దర్శనం శుభప్రదం

మీనం (ఫిబ్రవరి 20 - మార్చి 20 మధ్య జన్మించిన వారు)

మార్కెటింగ్‌, రవాణా, బోదన, స్టేషనరీ, ఏజెన్సీ రంగాల వారు లక్ష్యాలు సాధిస్తారు. చర్చలు, ప్రయాణాల్లో కొంత నిదానం అవసరం. విద్యార్థులు పట్టుదలతో శ్రమించి లక్ష్యాలు సాధిస్తారు. ఇంటి కోసం ఖర్చులు అంచనాలు మించిపోతాయి. శ్రీ రామరక్షా స్తోత్ర పారాయణ శుభప్రదం.

- బిజుమళ్ళ బిందుమాధవ శర్మ