Vastu Tips: ఇంటి ప్రధాన ద్వారం వాస్తు విషయంలో ఈ తప్పులు అస్సలు చేయకండి!

Vastu Shastra Rules: ఎంత పెద్ద కోటీశ్వరులైనా... కోట్లు ఖర్చు పెట్టి ఇల్లు నిర్మించినా.. ఆ నిర్మాణానికి ముందు వాస్తును తప్పకుండా పాటిస్తారు. ఇంటి నిర్మాణం, డిజైన్ విషయంలో వాస్తు శాస్త్రం ప్రకారం నడుచుకుంటారు. లేదంటే అనేక సమస్యలు ఎదుర్కోవాల్సి వస్తుందని వాస్తు శాస్త్ర నిపుణులు చెబుతారు. వాస్తు ప్రకారం ఇంటి మెయిన్ డోర్‌కు ఆధిక ప్రాధాన్యత ఇస్తారు. మంచి, చెడు అంశాలు తులపు ద్వారానే ఇంట్లోకి ప్రవేశిస్తాయి. వాస్తు ప్రకారం ప్రధాన ద్వారం ఉంటే.. ఇంట్లో సామరస్యం, సంతోషం, ఐశ్వర్యం కలుగుతాయి. వాస్తు ప్రకారం ఇంటి ప్రధాన ద్వారం ఎలా ఉండాలో ఈ కథనంలో తెలుసుకుందాం..

వాస్తు ప్రకారం మెయిన్ డోర్ ఎలా ఉండాలి?

దిశ: వాస్తు ప్రకారం.. ప్రధాన ద్వారం దిశ చాలా ముఖ్యం. తూర్పు, ఉత్తరం లేదా ఈశాన్య దిశలు అత్యంత పవిత్రమైనవిగా పరిగణించబడతాయి. ఈ దిశల్లో ఇంటి ప్రధాన ద్వారా ఉండొచ్చు. ప్రధాన తలుపు ఈ దిశలో ఉంటే ఇంటికి సానుకూల శక్తిని కలుగజేస్తుంది. శ్రేయస్సును అందిస్తుంది.

తలుపు పరిమాణం: ప్రధాన ద్వారం పరిమాణం ఇంటి మొత్తం పరిమాణానికి అనులోమానుపాతంలో ఉండాలి. చాలా చిన్నది కాని లేదా చాలా పెద్ద తలుపు గానీ.. ఇంటి లోపల శక్తి ప్రవాహంలో సమతుల్యతను కాపాడుకోవడానికి సహాయపడుతుంది.

చెక్క తలుపు: వీలైతే చెక్క తలుపులు ఉపయోగించండి. ఎందుకంటే చెక్క తలుపులు శక్తి ప్రవాహంపై సానుకూల ప్రభావాన్ని చూపుతాయి. అయితే, చెక్క తలుపులు సాధ్యం కాకపోతే, మెటల్ లేదా ఫైబర్‌గ్లాస్ వంటి ఇతర పదార్థాలతో తయారు చేసిన వాటిని వాడొచ్చు.

ప్రధాన తలుపు రంగు: వాస్తు శాస్త్రంలో రంగు కూడా ముఖ్యమైనది. సానుకూలత, శ్రేయస్సును సూచించే రంగులను ఎంచుకోవాలి. పసుపు, గోధుమ, తెలుపు రంగులు ప్రధాన ద్వారానికి ఉపయోగించాలి. ఇవి శుభప్రదమైన రంగులుగా పరిగణిస్తారు. ఈ రంగులు సానుకూల శక్తిని ఆహ్వానిస్తాయి. అయితే, ఎట్టి పరిస్థితుల్లోనూ నలుపు వంటి ముదురు రంగులు ఇంటి ద్వారానికి వేయకూడదు.

నేమ్ ప్లేట్: ప్రధాన ద్వారం బయట ఏర్పాటు చేసిన నేమ్‌ప్లేట్ ఇంటికి సానుకూల శక్తిని, శ్రేయస్సును ఆకర్షిస్తుంది. ఈ ప్యానెల్‌లో పేర్లు స్పష్టంగా ఉండాలి.

మెట్ల సంఖ్య: ప్రధాన ద్వారానికి వెళ్లే మెట్ల సంఖ్య 3, 5 లేదా 7 వంటి బేసి సంఖ్యగా ఉండాలి.

దేవుని విగ్రహాలు: ప్రధాన ద్వారం దగ్గర దుష్ట నాశనం చేసే వినాయకుడి విగ్రహాన్ని ఉంచండి. ఇలా చేయడం వల్ల ఇంటికి వచ్చే అడ్డంకులు తొలగిపోతాయి.

లైటింగ్: ప్రధాన ద్వారం వద్ద తగినంత లైటింగ్ అవసరం. మంచి వెలుతురు ఉన్న ప్రవేశాలు ఇంటి భద్రతను పెంచడమే కాకుండా మెరుగైన వాతావరణాన్ని కూడా సృష్టిస్తాయి. ఇంటి తలుపు దగ్గర లైట్ ఉండేలా చూసుకోవాలి.

వాస్తు పాటించడం వలన కలిగే లాభాలేంటి?

శక్తి ప్రవాహం: పైన చెప్పినట్లుగా.. తలుపు శక్తి ప్రవాహం. తలుపు చెడు శక్తిని అడ్డుకుంటుంది. అయితే, వాస్తు మార్గదర్శకాల ప్రకారం మెయిన్ డోర్ ఏర్పాటు చేస్తే ఇంట్లోకి పాజిటివ్ ఎనర్జీ సాఫీగా ప్రవేశిస్తుంది.

పంచభూతాలు: వాస్తు శాస్త్రం భూమి, నీరు, అగ్ని, గాలి, ఆకాలం వంటి ఐదు అంశాల సమతుల్యతను చాటిచెబుతుంది. ప్రధాన ద్వారం సరిగ్గా ఉంటే.. పంచభూతాల సామరస్యపూర్వకమైన ఏకీకరణ జరుగుతుంది. తద్వారా ఇంటి లోపల పాజిటివ్ శక్తిని ప్రసరింపజేస్తాయి.

శ్రేయస్సు: ప్రధాన ద్వారం శ్రేయస్సుకు ప్రవేశ ద్వారం అని నమ్ముతారు. ప్రధాన ద్వారం కోసం వాస్తు సూత్రాలను అనుసరించడం వల్ల ఇంట్లో సానుకూల అంశాలు, అవకాశాలు, శ్రేయస్సును ఆకర్షించడంలో సహాయపడుతుంది.

మానసిక శ్రేయస్సు: వాస్తు మార్గదర్శకాల ప్రకారం ఏర్పాటు చేసిన ప్రధాన ద్వారం ఇంట్లో నివాసం ఉంటున్న వారి మానసిక శ్రేయస్సుపై సానుకూల ప్రభావాన్ని చూపుతుంది. ప్రధాన ద్వారం ఇంటి లోపల భద్రత, శాంతి, సంతోషానికి దారి తీస్తుంది.

For More Spiritual News and Telugu News..