festival Flavors : కుడుముల బెల్లం పాయసం
ABN , Publish Date - Sep 07 , 2024 | 12:54 AM
పండగ వచ్చిందంటే అందరూ కొత్త రుచులు కోరుకుంటారు. అలాంటి మూడు వంటలను మీకు అందిస్తున్నాం.. ఆస్వాదించండి..
పండగ వచ్చిందంటే అందరూ కొత్త రుచులు కోరుకుంటారు. అలాంటి మూడు వంటలను మీకు అందిస్తున్నాం.. ఆస్వాదించండి..
కావాల్సిన పదార్థాలు: గోధుమ పిండి (ఒక కప్పు),
పాలు (అర లీటరు) నెయ్యి (సరిపోయినంత), బెల్లం పొడి (ఒకటిన్నర కప్పు), ఏలక్కాయల పొడి (ఒక టీస్పూను), జీడిపప్పు (తగినంత), కిస్‌మిస్‌ (తగినంత), నీళ్లు (తగినన్ని)
తయారీ విధానం:
ఒక గిన్నెలో గోధుమ పిండిని తీసుకొని నీళ్లతో కలిపి చిన్న ఉండలుగా చేసుకోవాలి. మూకుడులో నెయ్యి మరిగించి- దానిలో జీడిపప్పు, కిస్‌మి్‌సలను దోరగా వేయించాలి. వీటిని తీసి బయట పెట్టుకోవాలి. ఒక గిన్నెలో పాలను బాగా మరగించాలి. పాలు బాగా మరిగిన తర్వాత దానిలో బెల్లం పొడి, ఏలక్కాయల పొడి వేయాలి. ఈ మిశ్రమం కొద్దిగా చల్లారిన తర్వాత దానిలో ముందుగా చేసుకున్న గోధుమపిండి ఉండలను వేయాలి. ఆ తర్వాత జీడిపప్పు, కిస్‌మి్‌సలను వేయాలి.
జాగ్రత్తలు
పాలు బాగా వేడిగా ఉన్నప్పుడు గోధుమ పిండి ఉండలను వేయకూడదు.
ఏలక్కాయల పొడి వేసిన తర్వాత పాలను వేడి చేయకూడదు.
