Nayanthara : అభిమానులకు బహుమతి
ABN , Publish Date - Nov 17 , 2024 | 12:33 AM
నయనతార వ్యక్తిగత జీవితానికి సంబంధించిన పలు ఆసక్తికర అంశాలతో ‘నయనతార: బియాండ్‌ ది ఫెయిరీ టేల్‌’ డాక్యుమెంటరీ తెరకెక్కింది.
నయనతార వ్యక్తిగత జీవితానికి సంబంధించిన పలు ఆసక్తికర అంశాలతో ‘నయనతార: బియాండ్‌ ది ఫెయిరీ టేల్‌’ డాక్యుమెంటరీ తెరకెక్కింది. సాధారణ నటి నుంచి లేడీ సూపర్‌స్టార్‌గా ఎదిగిన ప్రస్థానాన్ని ఇందులో ఆవిష్కరించనున్నారు. హీరోయిన్‌గా రెండు దశాబ్దాల కెరీర్‌ను పూర్తి చేసుకున్న అరుదైన ఘనతను సొంతం చేసుకున్న నయనతార ఈ సుదీర్ఘ ప్రయాణంలో ఎన్నో జయాపజయాలు చవిచూశారు. ఐరన్‌ లెగ్‌ ముద్ర నుంచి సౌత్‌లో లేడీ సూపర్‌స్టార్‌ అనే గౌరవాన్ని అందుకున్నారు. ఆమె దక్షిణాదిన అగ్రహీరోలందరితో నటించారు. వారంతా నయనతార గురించి ఆసక్తికర విషయాలను ఇందులో పంచుకున్నారు. దర్శకుడు విఘ్నేశ్‌ శివన్‌తో ఆమె వివాహం వేడుకలను ఇందులో చూపించబోతున్నారు. ‘ఈ డాక్యుమెంటరీ అభిమానులకు నా బహుమతి’ అని నయనతార చెప్పారు. నయనతార 40వ పుట్టిన రోజు సందర్భంగా నవంబర్‌ 18 నుంచి ఈ డాక్యుమెంటరీ నెట్‌ఫ్లిక్స్‌లో స్ట్రీమింగ్‌ కానుంది.
