Dory : డబుల్‌ ఎట్రాక్షన్‌ ‘డోరి’!
ABN , First Publish Date - 2023-11-28T23:50:10+05:30 IST
లెహెంగా, బ్లౌజ్‌, చురీదార్‌... డ్రస్‌ ఏదైనా దానికి కొత్త ఆకర్షణ తెచ్చిపెట్టాలంటే ‘డోరి’ తగిలించాలి. రెడీమేడ్‌ డోరి లేదా సృజనాత్మకత జోడించి తయారుచేసిన డోరి...
లెహెంగా, బ్లౌజ్‌, చురీదార్‌... డ్రస్‌ ఏదైనా దానికి కొత్త ఆకర్షణ తెచ్చిపెట్టాలంటే ‘డోరి’ తగిలించాలి. రెడీమేడ్‌ డోరి లేదా సృజనాత్మకత జోడించి తయారుచేసిన డోరి... మీ దుస్తులకు, మీకు ప్రత్యేక అందాన్ని జోడిస్తుంది. ఇందుకోసం...
పర్సనలైజ్‌డ్‌: పేర్లు, చిన్న చిన్న ఫన్నీ కోట్స్‌... ఎంబ్రాయిడరీ చేయించిన చిట్టి పొట్టి లట్‌కాన్‌లను లెహెంగాలకు వేలాడదీసుకోవచ్చు. దీర్ఘచతురస్రాకారంలో కుట్టించిన లట్‌కాన్‌ల మీద అక్షరాలు రాసుకుని, ఎంబ్రాయిడరీ చేయిస్తే మీదైన స్టయిల్‌తో అదరగొట్టేయవచ్చు.
స్కాలప్స్‌: పువ్వుల ఆకారంలోని స్కాలప్స్‌ పెళ్లి వేడుకల్లో ధరించడానికి బాగుంటాయి. గోల్డెన్‌ బీడ్‌లు, స్కాలప్స్‌ పూస గుచ్చినట్టు అల్లి, లెహెంగాకు వేలాడదీయాలి. లెహెంగాకు హెవీ లుక్‌ తెప్పించాలంటే ఇలాంటి స్కాలప్స్‌ ఎంచుకోవాలి.
పామ్‌ పామ్‌: మెత్తని కుచ్చులైన పామ్‌ పామ్‌లను ఇయర్‌ హ్యాంగింగ్స్‌గానే కాదు, డోరీలుగా కూడా వాడవచ్చు. ఈ గులాబీ, ఆకుపచ్చ, మెరూన్‌ కలర్‌ బాంబ్స్‌ అందరి దృష్టినీ ఆకర్షిస్తాయి.
మిర్రర్‌ మిర్రర్‌: అద్దాలు ఎక్కడున్నా తళుకులీనుతూ అందరి కళ్లనూ కట్టిపడేస్తాయి. కాబట్టి వీటిని లట్‌కాన్‌లుగా కూడా వాడవచ్చు. త్రెడ్‌ వర్క్‌ డిజైన్‌ మధ్యలో అద్దాలను ఉంచి లట్‌కాన్‌లను తయారు చేసుకోవచ్చు. వీటిని లెహెంగా లేదా బ్లౌజ్‌లకు తగిలించుకోవచ్చు.
