పెళ్లి తంతు ఒక్కో ప్రదేశంలో ఒక్కోలా ఉంటుంది. అయితే ఇందులో అందం కూడా ఉంటుంది. సాంప్రదాయంలోని చిలిపి పనులతో కూడిన ఆటలు కూడా ఈ పద్దతుల్లో జరిగే పెళ్ళికి అందాన్ని తెస్తాయి. కొన్ని వివాహాల్లో అల్లుడు కాశీకి వెళతానంటే బావమరిది గడ్డం కింద బెల్లం ముక్క పెట్టి తన అక్కని పెళ్లి చేసుకుని వెళ్ళమంటాడు. ఇదో అందమైన పెళ్ళితంతు. సరదాగా జరిగే ఈ తంతులో బావమరిదికి బావగారి నుంచి మంచి కానుకలే అందుతాయి. అలాగే సరిగ్గా ఇలా కాకపోయినా ఆట పట్టించడంలో మరికాస్త ముందుకు వెళ్ళే తంతు పెళ్ళికొడుకు చెప్పుల్ని, (పాదరక్షలు) దాచేసి, పెళ్ళికూతురు చెల్లెళ్లు బావగారిని డబ్బులిస్తేనే చెప్పుల్ని తిరిగి ఇస్తామని ఆటపట్టిస్తారు. పెళ్ళితంతు ముగిసేలోపు పెళ్ళికొడుకు చెప్పుల్ని విడిపించుకోవాలి. అసలు ఈ పద్దతి ఎందుకంటే..

భారతీయ వివాహాలు వారి ఆచారాల కారణంగా దేశ విదేశాలలో కూడా ప్రసిద్ధి చెందాయి, కాబట్టి చాలా మంది విదేశీయులు పెళ్లిని చూడటానికి ఇక్కడకు వస్తారు. వివిధ సమాజాలు, మతాల విశ్వాసం ఇక్కడ వివాహాలకు అందాన్ని తీసుకువస్తాయి. పెళ్ళి తంతును ఒక వేడుకలా జరుపుకోవడమే కాదు, ఇది అందరికీ గురుతుండిపోయే క్షణం అవుతుంది. ఇలాంటి సమయాల్లో చేసే ప్రతితంతూ చాలా సంతోషంగా రెండు కుటుంబాలను కలిపే విధంగా ఉంటుంది.

చెప్పుల్ని దొంగిలించే వేడుక..

వధువు చెల్లెళ్లు, స్నేహితులు వరుడి చెప్పుల్ని దొంగిలించడానికి ఎప్పుడూ ప్రయత్నిస్తున్నప్పటికీ, అతను మండపానికి చేరుకున్నప్పుడు మాత్రమే వారికి ఈ అవకాశం వస్తుంది. ఎందుకంటే అక్కడ పండితులు మంత్రాల మధ్య పెళ్లి తంతు జరుగుతుంది కాబట్టి వరుడు పాదరక్షలు తీసి మండపంలో కూర్చోవాలి. అదే సమయంలో, చెల్లెళ్ళు చెప్పుల్ని దొంగిలించాలి. దానిని తిరిగి ఇవ్వాలంటే, వారు డబ్బు డిమాండ్ చేస్తారు లేదంటే వరుడితో తమకు ఇష్టమైన పనిని చేయిస్తారు. ఈ ఆచారమంతా సరదాగా, ఉల్లాసంగా ఉంటుంది. ఎందుకంటే వరుడి స్నేహితులు చెప్పుల్ని కాపాడేందుకు ప్రయత్నిస్తారు.

ఎందుకు దాస్తారు.

చెప్పులు దాచుకోవడం చాలా సరదాగా ఉండే ఆచారం అయినప్పటికీ, దీన్ని చేయడం వెనుక కారణం ఉంది. ఈ ఆచారం వల్ల వరుడి జ్ఞానం, సంయమనం బయటపడుతుందని నమ్ముతారు. ఎవరినీ నొప్పించకుండా అతను తన చెప్పుల్ని వెనక్కి తీసుకునే విధానంలో ఈ తంతు అందంగా కనిపిస్తుంది. పెళ్లికొడుకు ఒక్కసారిగా కోడలు డిమాండుకు ఒప్పుకుంటే, అతను చాలా ముక్కుసూటిగా ఉంటాడని, తన వాళ్లను ఎలా సంతోషంగా ఉంచాలో తెలుసని అర్థమవుతుంది. మరోవైపు, చాలా తెలివిగా ఏమీ ఇవ్వకుండా, అది కూడా ఎవరి హృదయాన్ని నొప్పించకుండా తన చెప్పుల్ని తిరిగి పొందే వ్యక్తిని చాలా తెలివైన వ్యక్తిగా పరిగణిస్తారు.

ఇది కూడా చదవండి: కూరల్లో వాడే అల్లం వల్ల ఏకంగా ఇన్ని లాభాలా..? ఇలా చేస్తే బాన పొట్టను కూడా కరిగించేస్తుందట..!

చెప్పుల్ని మాత్రమే ఎందుకు దొంగిలించాలి.

వరుడిని అతని తలపాగా, కత్తి, చెప్పులు ద్వారా గుర్తిస్తారు. కానీ దొంగతనం అతని చెప్పుల్ని మాత్రమే చేస్తారు. ఒకరి వ్యక్తిత్వాన్ని అతని పాదరక్షల ద్వారా అర్థం చేసుకోవచ్చని నమ్ముతారు. అయితే, తలపాగా, కత్తి గౌరవం, పరాక్రమానికి చిహ్నాలు, దానిని కోల్పోవడం ఏ వ్యక్తికైనా అవమానకరమైనది, అలాగే ఇది అతని మూర్ఖత్వాన్ని, అజాగ్రత్తను చూపుతుంది. అందుకే మరదలు ప్రత్యేకంగా పెళ్లిలో బూట్లు మాత్రమే దొంగిలిస్తుంది.

వాతావరణం ఆహ్లాదకరంగా మారుతుంది..

వివాహంలో భావోద్వేగ సమయం వీడ్కోలు. అటువంటి పరిస్థితిలో, ఈ ఆచారంతో వాతావరణాన్ని ఆహ్లాదకరంగా మార్చే ప్రయత్నం జరుగుతుంది. అమ్మాయిలు తమ డిమాండ్‌ను అంగీకరించమని వరుడిని గట్టిగా ఒత్తిడి చేస్తుంటారు. మరోపక్క, అబ్బాయిలు తక్కువ ఖర్చుతో బూట్లు తిరిగి తీసుకోవడానికి ప్రయత్నిస్తారు. ఈ సమయంలో, ఒకరితో ఒకరు చాలా సరదాగా ఉంటారు, దీని కారణంగా పెళ్ళి మండపంలో సందడి వాతావరమం నెలకొంటుంది.