NRI: ‘శివపదం’ గీతాలకు ఇండోనేషియా బాలిలో నృత్య ప్రదర్శన

ఎన్నారై డెస్క్: శివపదం గ్లోబల్ ఫ్యామిలీ.. భారత శాస్త్రీయ నృత్యాలను ప్రదర్శించడానికి, ఏకత్వ సందేశాన్ని వ్యాప్తి చేయడానికి, కళలకు సరిహద్దులు లేవని చూపించడానికి బాలి వచ్చారు. వాణి గుండ్లాపల్లి ( నో యువర్ రూట్స్, యూఎస్ఏ), దినేష్ కుమార్ (సంగమం అకాడమీ, ఇండియా) నేతృత్వంలో, ఋషిపీఠం వారి సహాయంతో ఈ కార్యక్రమం జరిగింది.

యూఎస్ఏలో పుట్టి పెరిగిన 45 మంది యువ నర్తకీనర్తకులు, నృత్య విద్యార్థులు, గురువులు కూచిపూడి, భరతనాట్యం, కథక్, ఒడిస్సీ అందం, గాంభీర్యం, గొప్పతనాన్ని ప్రదర్శించారు. బ్రహ్మశ్రీ డా. సామవేదం షణ్ముఖ శర్మ రచించిన శివపదం సాహిత్య పద్యాలతో పాటు త్యాగరాజు, అన్నమయ్య, మైసూర్ వాసుదేవాచార్యులు రచించిన సాహిత్యాలకు నృత్య ప్రదర్శన చేశారు. అలాగే శివాష్టకం, దుర్గా దేవి స్తోత్రం వంటి వేద స్తోత్రాలను అనేక నృత్య కళారూపాలలో ప్రదర్శించారు. శ్రీ శ్రీ శ్రీ చంద్రశేఖర సరస్వతి స్వామి వారు ప్రపంచానికి శాంతి, శ్రేయస్సు తీసుకురావడానికి రచించిన “మైత్రీమ్ భజత” అనే గీతాన్ని కూడా అందమైన నృత్య రూపంతో ప్రదర్శించారు.

ముఖ్య అతిథిలుగా నవీన్ మేఘ్వాల్ (బాలిలోని ఐ.సి.సి.ఆర్ - ఎస్.వి.సి.సి డైరెక్టర్), రెక్టర్: ప్రొఫెసర్ డా. ఐ వాయన్ అద్న్యానా ఇసి, డెన్‌పాసర్, గౌరవ అతిథులుగా వైస్ రెక్టార్ డా. ఏ. ఏ. గేడే రాయ్ రేమావా, వైస్ రెక్టార్: డా. ఐ కేటుట్ ముకా, వైస్ రెక్టార్: ప్రొఫెసర్ డా. నేను కొమంగ్ సుదీర్గ తదితర అతిథులు పాల్గొన్న ఈ కార్యక్రమంలో కళలకు హద్దులు లేవు, కళలు అందరిని కలుపుతుంది అని USA నుంచి వచ్చిన కళాకారులను అభినందించారు.

ఉబుద్‌లోని సరస్వతి ఆలయంలో, డెన్‌పసర్‌లోని ఇండోనేషియా ఇన్‌స్టిట్యూట్ ఆఫ్ ఆర్ట్స్‌లో జరిగిన అత్యద్భుత ప్రదర్శనలు ఇవ్వడం జరిగిందని నిర్వాహుకులు తెలియచేసారు.

యూఎస్ఏలో పుట్టి పెరిగిన మా యువ నర్తకీ నర్తకులు వచ్చి 'మేము ఇంత అద్భుతమైన సమయాన్ని గడపటమే కాక, ఇప్పుడు మన మూలాలను కూడా తెలుసుకుంటున్నాం” అని చిరునవ్వుతో అన్నప్పుడు ఋషిపీఠం (ఇండియా), నో యువర్ రూట్స్ (యూఎస్ఏ)తో కలిసి తాము అనుకున్న లక్ష్యం నెరవేరిందని నిర్వాహకులు తెలిపారు.

అందరికీ శివపదం కానుకగా అందించిన తమ గురువులు దీపాన్విత, హేమమాలిని, అఖిల, బిదిషా, కళ్యాణి, సంగీత, స్వప్న, సిమాలకు ధన్యవాదాలు తెలియచేసుకుంటూ, అలాగే ‘శివపదం’ గీతాలను ప్రసాదించినందుకు బ్రహ్మశ్రీ డా. సామవేదం షణ్ముఖ శర్మకు ప్రణామాలు తెలియజేశారు.