ప్రేమలో పడటం, ప్రేమను అనుభవించడం అనేవి అందులో విజయాన్ని అందుకోవడం అనేవి చాలాకొద్దిమందికి మాత్రమే అనుభవంలోకి వస్తాయి. ఇక బ్రేకప్ ప్రేమలు, విఫలమైన ప్రేమల విషయానికి వస్తే ఆ ప్రేమలన్నీ కలలకు, ఊహలకు, ఆలోచనలకు మాత్రమే పరిమితం అయిపోతూ ఉంటాయి. అయితే నిద్రలోకి కలలా మీ మాజీ ప్రేమికుడు, లేదా ప్రేమికురాలు ఎప్పుడన్నా కనిపించిందా? దీనికి అసలు కారణం ఏమై ఉంటుంది? అదేమిటో తెలుసుకుందాం.

1. బ్రేకప్ తర్వాత కూడా కలలో..

కలలు తరచుగా మీరు ఎలా భావిస్తున్నారో ఆ ఆలోచనలను ప్రతిబింబిస్తాయి, కాబట్టి ప్రేమలో ఉండటం, సంతృప్తి చెందడంగురించి కలలు కంటున్నట్లే.., ఆ ప్రేమకు అడ్డంకి ఏర్పడి.. బ్రేక్ అయినప్పుడు కూడా ప్రేమికుడో, ఆ ప్రేమికురాలో కలలో కనిపించడం కూడా మామూలే.

2. హీలింగ్ చేస్తున్నారు..

ప్రేమ మిమ్మల్ని సంతోషపెట్టగలిగినప్పటికీ, అన్ని సమయాల్లోనూ ప్రేమఅందమైన అనుభవంగా ఉండకపోవచ్చు. కొంతమందికి, ప్రేమ అనేది జీవితంలోని కొన్ని క్షణాలలో దుఃఖాన్ని, బాధను కలిగిస్తుంది. అది ఆనందాన్ని కలిగించినట్లే బాధను కూడా కలిగిస్తుంది. ఎవరితోనైనా ప్రేమలో పడటం గురించి కలలు కనడం అంటే మనం అనుభూతి చెందుతున్న బాధ మన కలలలో కనిపిస్తుంది.

3. ప్రేమలో పడటం గురించి..

కల అంటే హృదయం తెరిచి ఉందని, ఇష్టపడే వ్యక్తిని దగ్గరగా ఉండాలని ఆశిస్తున్నారని అర్థం. కలలు కనడం అనేది సంక్లిష్టమైన, పూర్తిగా అర్థం కాని దృగ్విషయం. కలలు కనడం గురించి చాలా రహస్యంగా ఉన్నప్పటికీ, మనం ఎందుకు కలలు కంటున్నామో వివరించడానికి పరిశోధకులు అనేక సిద్ధాంతాలను అందించారు. కాబట్టి కలలో మీ మాజీ ప్రియుడు లేదా ప్రేయసిని చూడడానికి అనేక కారణాలు ఉన్నాయి. మాజీ భాగస్వామి గురించి కలలు కనడానికి 5 కారణాలు..

ఇది కూడా చదవండి: కష్టమైనా సరే.. మిరియాలను రోజుకు ఒక్కటైనా తినండి.. వంటింట్లో ఉండే వీటిని పెద్దగా వాడరు కానీ..!

4. నోస్టాల్జియా

పాత జ్ఞాపకాలు మనందరినీ వెంటాడుతూనే ఉంటాయి. కలలో మాజీని చూడడానికి ఇదే అతి పెద్ద కారణం కావచ్చు. బహుశా వారితో కలిసి సందర్శించిన పాత స్థలాలను తిరిగి చూస్తున్నారు లేదా గతంలో మీరు నిజంగా ఆనందించిన సమయాన్ని గుర్తుచేసుకుంటూ ఉండవచ్చు. కలలో చూసిన వెంటనే, వెచ్చదనం వాంఛ భావనకలుగుతుంది. కలలో కూడా మెదడు బాధాకరమైన, సంతోషకరమైన సంఘటనలను ఎదుర్కోవటానికిసమస్యలను పరిష్కరించడానికి ప్రయత్నిస్తుందని అనేక పరిశోధనలు నిరూపించాయి.

5. అభద్రతాభావాల ప్రతిబింబం..

మామూలుగా ఆలోచించినవి, ఆలోచించనివి కలలుగా వస్తాయి.. ఇక మాజీ గురించి కలలు వ్యక్తిగత జీవితంలో భయం, అభద్రతకు చిహ్నంగా ఉండవచ్చు.కొన్నిసార్లు కలలో మాజీని చూడటం అతను మనస్సులో ఇంకా ఉన్నట్లు చెబుతుంది. కలలు కొన్నిసార్లు అర్థం కాని కొన్ని ముఖ్యమైన విషయాలను చెప్పడానికి ప్రయత్నిస్తూ ఉండవచ్చు. కలలో మాజీ ప్రియుడు, స్నేహితురాలిని చూడటం జీవితంలో ప్రస్తుతం ముఖ్యమైన కొన్ని లక్షణాలు, అనుభవాలు, భావాలను సూచిస్తుంది.