Road Accident: పల్నాడు జిల్లాలో ఘోర రోడ్డు ప్రమాదం..

పల్నాడు జిల్లా: చిలకలూరిపేట వద్ద బుధవారం తెల్లవారుజామున ఘోర రోడ్డు ప్రమాదం (Road Accident) జరిగింది. ఈ ఘటనలో ఆరుగురు సజీవ దహనమయ్యారు. చీరాల (Cheerala) నుంచి హైదరాబాద్ (Hyderabad) వెళుతున్న ప్రైవేట్ ట్రావెల్ బస్సు (Private Travel Bus)లో అగ్ని ప్రమాదం జరిగింది. అదుపుతప్పిన ట్రావెల్స్ బస్సు.. టిప్పర్ లారీ (Tipper lorry)ని ఢీ కొంది. దీంతో మంటలు చెలరేగి ట్రావెల్స్ బస్సు పూర్తిగా దగ్ధమైంది. బస్సు డ్రైవర్ సహా ఆరుగురు సజీవ దహనం అయ్యారు. చిలకలూరిపేట మండలం పసుమర్రు సమీపంలో ఈ ప్రమాదం జరిగింది. మృతులంతా బాపట్ల జిల్లా, చినగంజాంలో ఓటు వేసి హైదరాబాద్ వెళ్తున్నారు.

మృతుల వివరాలు..

1. అంజి (35) డ్రైవర్, చీరాల, బాపట్ల జిల్లా.

2. ఉప్పుగుండూరు కాశీ (65), నీలాయిపాలెం గ్రామం, చిన్నగంజాం మండలం, బాపట్ల జిల్లా.

3. ఉప్పుగుండూరు లక్ష్మి (55), నీలాయిపాలెం గ్రామం, చిన్నగంజాం మండలం, బాపట్ల జిల్లా.

4. ముప్పరాజు ఖ్యాతి సాయిశ్రీ (8), నీలాయిపాలెం గ్రామం, చిన్నగంజాం మండలం, బాపట్ల జిల్లా. మిగిలిన వారిని ఇంకా గుర్తించాల్సి ఉంది.

కాగా ప్రమాదం జరిగిన సమయంలో బస్సులో 40 మంది వరకూ ప్రయాణికులు ఉన్నట్లు సమాచారం. ఓటు వేయడానికి సొంతూర్లకు వచ్చి.. తిరిగి హైదరాబాద్‌ వస్తుండగా ప్రమాదం జరిగింది. కళ్లు తెరిచేలోపే.. బస్సు అగ్నికి ఆహూతయిందని ప్రయాణికులు కన్నీటిపర్యంతమయ్యారు. గాఢ నిద్రలో ఉన్నవాళ్లు..నిద్రలోనే ప్రాణాలు కోల్పోయారని ఆవేదన వ్యక్తం చేశారు. అప్రమత్తమైన స్థానికులు పోలీసులకు సమాచారం ఇచ్చారు. సంఘటన ప్రదేశానికి చేరుకున్న పోలీసులు క్షతగాత్రులను సమీప ఆస్పత్రికి తరలించారు. ప్రమాదంపై కేసు నమోదు చేసి దర్యాప్తు చేపట్టారు. పూర్తి సమాచారం తెలియాల్సి ఉంది.

ఈ వార్తలు కూడా చదవండి..

కవిత కస్టడీ 20 వరకు పొడిగింపు

మోదీ ఆస్తి రూ.3.2 కోట్లు

Read Latest AP News and Telugu News

Read Latest Telangana News and National News

Read Latest Chitrajyothy News and Sports News