ఇంటర్నెట్ డెస్క్: పంజాబ్ నేషనల్ బ్యాంక్ (PNB) ఆగస్టు 12లోపు తమ కస్టమర్‌లకు కేవైసీ(KYC) వివరాలను అప్‌డేట్ చేయాలని సూచించింది. మార్చి 31 నాటికి కేవైసీని అప్‌డేట్ చేసుకోని ఖాతాదారులకు పీఎన్బీ నోటీసులు వర్తిస్తాయి. బ్యాంకు సర్వీసుల్లో అంతరాయం లేని కార్యకలాపాలు కొనసాగించడానికి కేవైసీ తప్పనిసరి అని బ్యాంక్ స్పష్టం చేసింది. రిజర్వ్ బ్యాంక్ ఆఫ్ ఇండియా (RBI) మార్గదర్శకాలకు అనుగుణంగా ఈ నోటిఫికేషన్ జారీ చేశారు.

కేవైసీ ప్రక్రియలో భాగంగా పంజాబ్ నేషనల్ బ్యాంక్ కస్టమర్‌లు ఐడెంటిటీ, చిరునామా రుజువు, ఫొటో, పాన్, ఆదాయ రుజువు, మొబైల్ నంబర్ లేదా ఏదైనా ఇతర కేవైసీ సమాచారాన్ని వారి బ్రాంచ్‌కి అందించాలని బ్యాంకు తెలిపింది. పీఎన్‌బీ వన్ యాప్/ఇంటర్నెట్ బ్యాంకింగ్ సర్వీసెస్ (IBS)/రిజిస్టర్డ్ ఇ-మెయిల్/పోస్ట్‌లో లేదా ఏదైనా బ్రాంచ్‌కి వెళ్లి 12వ తేదీలోపు కేవైసీ అప్‌డేట్ చేసుకోకపోతే బ్యాంకు కార్యకలాపాలకు అంతరాయం ఏర్పడుతుందని అధికారులు తెలిపారు.

అప్‌డేట్ అయిన కేవైసీ వివరాలను ఇక్కడ అందించాలి..

• పీఎన్బీ వన్ మొబైల్ అప్లికేషన్

• ఇంటర్నెట్ బ్యాంకింగ్ సేవలు (IBS)

• నమోదు చేసిన ఇమెయిల్

• పోస్టల్ మెయిల్

• ఏదైనా పీఎన్బీ శాఖను సందర్శించండి

కస్టమర్‌లు బ్యాంక్ బ్రాంచ్‌ని సందర్శించకుండానే తమ కేవైసీని డిజిటల్‌గా అప్‌డేట్ చేసుకోవచ్చు. కేవైసీని ఆన్‌లైన్‌లో అప్‌డేట్ చేయాలనుకునే బ్యాంక్ కస్టమర్‌ల కోసం రిజర్వ్ బ్యాంక్ ఇప్పటికే పలు మార్గదర్శకాలు జారీ చేసింది. ఆర్బీఐ ప్రకటన ప్రకారం.. రిజిస్టర్డ్ ఇమెయిల్ ఐడీ, మొబైల్ నంబర్, ఏటీఎంలు, డిజిటల్ ఛానెల్‌లు (వంటివి) వంటి ఛానెల్‌ల ద్వారా వ్యక్తిగత ఖాతాదారులకు డిక్లరేషన్ సౌకర్యాన్ని అందించాలని బ్యాంకులకు ఆర్బీఐ సూచించింది. తద్వారా బ్యాంక్ శాఖను సందర్శించాల్సిన అవసరం లేదని పేర్కొంది.

EPFO: ఈపీఎఫ్‌వో ఖాతాదారులకు గుడ్ న్యూస్.. ఇకపై వ్యక్తిగత వివరాల మార్పు ఈజీ

For Latest News and National News Click Here