Interest Rates: ఇన్వెస్టర్లకు గుడ్ న్యూస్.. వడ్డీ రేట్లను భారీగా పెంచిన కీలక బ్యాంకులు

మీరు మంచి వడ్డీ రేటు ఉంటే మీ దగ్గర ఉన్న మొత్తాన్ని ఫిక్స్‌డ్ డిపాజిట్(FD) రూపంలో పెట్టుబడి చేయాలని చూస్తున్నారా. అయితే ఈ వార్త మీ కోసమే. ఎందుకంటే ఇటివల కీలక బ్యాంకులు వడ్డీ రేట్లను(interest rates) భారీగా పెంచేశాయి. ఈ నేపథ్యంలో మీరు వీటిలోని ఏ బ్యాంకులో FD చేస్తే ఎక్కువ రాబడి వచ్చే అవకాశం ఉందనే విషయాలను ఇప్పుడు తెలుసుకుందాం.

భారతీయ రిజర్వ్ బ్యాంక్ (RBI) దాదాపు 18 నెలలుగా వడ్డీ రేట్లలో ఎటువంటి మార్పు చేయలేదు. దీంతో చాలా బ్యాంకులు ఫిక్స్‌డ్ డిపాజిట్ వడ్డీ రేట్లను మార్చాయి. వివిధ కాలాల FDలపై ఈ మార్పు చేయబడింది. ఈ క్రమంలో SBI, HDFC బ్యాంక్, ICICI బ్యాంక్, పంజాబ్ నేషనల్ బ్యాంక్ (PNB), యూనియన్ బ్యాంక్ వంటి ప్రభుత్వ, ప్రైవేట్ రంగ బ్యాంకులు కొత్త FD పథకాలను అందిస్తున్నాయి.

యూనియన్ బ్యాంక్ (8.15 శాతం)

యూనియన్ బ్యాంక్ 333 రోజుల కాలపరిమితి కలిగిన ఫిక్స్‌డ్ డిపాజిట్‌పై 7.4 నుంచి 8.15 శాతం వరకు వడ్డీని అందిస్తుంది. పదవీకాలం 399 రోజులు ఉన్నప్పుడు, వడ్డీ రేటు 8 శాతానికి పెరుగుతుంది. ఈ రేట్లు ఆగస్టు 1 నుంచి అమల్లోకి వచ్చాయి. యూనియన్ బ్యాంక్ ఆఫ్ ఇండియాలో ప్రారంభించబడిన 399 రోజుల కాలపరిమితి కలిగిన ఫిక్స్‌డ్ డిపాజిట్ సాధారణ పౌరులకు సంవత్సరానికి 7.25 శాతం వడ్డీని అందిస్తుంది. అదే సమయంలో సీనియర్ సిటిజన్లకు డిపాజిట్‌పై 7.9 శాతం. ఆ క్రమంలోనే అర్హులైన వారికి FDపై సంవత్సరానికి 8.15 శాతం అదనంగా ఇవ్వబడుతుందని ప్రకటించారు.

స్టేట్ బ్యాంక్ ఆఫ్ ఇండియా (SBI)

స్టేట్ బ్యాంక్ ఆఫ్ ఇండియా (SBI) 'అమృత్ వృష్టి' పేరుతో కొత్త ప్రత్యేక FD పథకాన్ని ప్రారంభించింది. ఈ పథకం కింద సాధారణ కస్టమర్లు 444 రోజుల కాలానికి 7.25% వడ్డీ రేటును పొందవచ్చు. సీనియర్ సిటిజన్లకు ఈ రేటు 7.75%. ఈ పథకం జులై 15, 2024 నుంచి మార్చి 31, 2025 వరకు మాత్రమే అందుబాటులో ఉంది. అయితే 7 రోజుల నుంచి 10 సంవత్సరాల FDలతో సహా ఇతర కాలాల్లో SBI FD రేట్లు 3.50% నుంచి 7.00% వరకు ఉంటాయి.

HDFC బ్యాంక్

HDFC బ్యాంక్ 7 రోజుల నుంచి 10 సంవత్సరాల FDలకు 3% నుంచి 7.4% వరకు వడ్డీ రేట్లను అందిస్తోంది. సాధారణ కస్టమర్‌లకు గరిష్ట వడ్డీ రేటు 7.4%, సీనియర్ సిటిజన్‌లకు, 4 సంవత్సరాల 7 నెలల నుంచి 55 నెలల వరకు FD కోసం వడ్డీ రేటు 7.90%. ఈ సవరించిన రేట్లు జులై 24, 2024 నుంచి వర్తిస్తు్న్నాయి.

ICICI బ్యాంక్

ICICI బ్యాంక్ 7 రోజుల నుంచి 10 సంవత్సరాల FDలకు 3% నుంచి 7.20% వరకు FD రేట్లను అందిస్తోంది. ఈ రేట్లు జులై 30, 2024 నుంచి అమల్లోకి వచ్చాయి.

పంజాబ్ నేషనల్ బ్యాంక్ (PNB)

పంజాబ్ నేషనల్ బ్యాంక్ (PNB) ఆగస్ట్ 1, 2024 నుంచి 400 రోజుల FDకి గరిష్టంగా 7.25% వడ్డీ రేటును అందిస్తోంది. 300 రోజుల FDకి ఈ రేటు 7.05%. ఒకటి, రెండు సంవత్సరాల కాలవ్యవధి కలిగిన FDలకు వడ్డీ రేటు 6.80%. వడ్డీ రేటు మూడేళ్ల FDకి 7.00%, నాలుగు, ఐదు సంవత్సరాల FDకి 6.50%.

ఇవి కూడా చదవండి:

Alert: దీర్ఘకాలిక మూలధన లాభాల పన్నులో ఉపశమనం.. ఎప్పటివరకంటే

Business Idea: పెట్టుబడి లేకుండా వ్యాపారం.. ఏటా 50 లక్షలకుపైగా సంపాదించే ఛాన్స్!

Saving Tips: SBI Fd Vs KVP.. రూ. 5 లక్షలు 10 ఏళ్ల పెట్టుబడికి ఏది బెస్ట్

Saving Scheme: రోజూ ఇలా రూ.200 సేవ్ చేయండి.. రూ.28 లక్షలు పొందండి..

Read More Business News and Latest Telugu News