Firing: ఉగ్రవాదులతో సైన్యం కాల్పులు.. ఇద్దరు మృతి, మరో ముగ్గురికి గాయాలు
ABN , Publish Date - Aug 10 , 2024 | 09:04 PM
జమ్మూకశ్మీర్‌(jammu and kashmir)లో మళ్లీ కాల్పులు(firing) కలకలం రేపుతున్నాయి. అనంత్‌నాగ్ జిల్లా(Anantnag district)లోని మారుమూల అటవీ ప్రాంతంలో శనివారం ఉగ్రవాదులు, భద్రతా బలగాల మధ్య జరిగిన ఎన్‌కౌంటర్‌లో ఇద్దరు ఆర్మీ జవాన్లు వీరమరణం పొందగా, మరో ముగ్గురు గాయపడ్డారు.
జమ్మూకశ్మీర్‌(jammu and kashmir)లో మళ్లీ కాల్పులు(firing) కలకలం రేపుతున్నాయి. అనంత్‌నాగ్ జిల్లా(Anantnag district)లోని మారుమూల అటవీ ప్రాంతంలో శనివారం ఉగ్రవాదులు, భద్రతా బలగాల మధ్య జరిగిన ఎన్‌కౌంటర్‌లో ఇద్దరు ఆర్మీ జవాన్లు వీరమరణం పొందగా, మరో ముగ్గురు గాయపడ్డారు. అధికారులు తెలిపిన వివరాల ప్రకారం అడవిలో దాక్కున్న ఉగ్రవాదులు సెర్చ్ టీమ్‌ను చూడగానే విచక్షణారహితంగా కాల్పులు జరపడం భీకర ఎన్‌కౌంటర్‌కు దారితీసింది. ఆ క్రమంలో గాయపడిన సైనికులను ఆసుపత్రికి తరలించి, ఉగ్రవాదులు తప్పించుకునే మార్గాలను మూసివేశారు.
కాల్పులు ఇంకా
అనంత్‌నాగ్ జిల్లాలోని కోకెర్‌నాగ్‌లోని అహ్లాన్ ప్రాంతంలో ఉగ్రవాదులు, భద్రతా దళాల మధ్య ఎన్‌కౌంటర్ ప్రారంభమైందని పోలీసులు తెలిపారు. దక్షిణ కాశ్మీర్ జిల్లాలోని కోకెర్‌నాగ్ ప్రాంతంలోని అహ్లాన్ గడోల్‌లో ఉగ్రవాదుల ఉనికి గురించి సమాచారం అందుకున్న భద్రతా దళాలు కార్డన్ సెర్చ్ ఆపరేషన్ ప్రారంభించాయని అధికారులు వెల్లడించారు. భారత సైన్యం, జమ్మూ కాశ్మీర్ పోలీసులు, సెంట్రల్ రిజర్వ్ పోలీస్ ఫోర్స్ (CRPF) సంయుక్తంగా ఈ ఆపరేషన్ నిర్వహిస్తున్నట్లు వర్గాలు తెలిపాయి. కాల్పులు ఇంకా కొనసాగుతూనే ఉన్నాయని, అటవీ ప్రాంతం పరిమిత కమ్యూనికేషన్‌తో ఉన్నందున మరింత సమాచారం కోసం ఎదురుచూస్తున్నామని ఒక అధికారి తెలిపారు.
మందుగుండు సామాగ్రి
దీనికి ఒకరోజు ముందు అనంత్‌నాగ్‌లో భద్రతా బలగాలు ముగ్గురు టెర్రరిస్టులను అదుపులోకి తీసుకున్నాయి. వారి నుంచి ఆయుధాలు, మందుగుండు సామాగ్రిని స్వాధీనం చేసుకున్నారు. అరెస్టయిన ఉగ్రవాదుల్లో దావూద్ అహ్మద్ దార్, ఇంతియాజ్ అహ్మద్ రేషి, షాహిద్ అహ్మద్ దార్‌లు ఉన్నట్లు గుర్తించారు. ముగ్గురూ హసన్‌పోరా తవేలా నివాసితులు. హసన్‌పోరా తుల్ఖాన్ రోడ్‌లోని జాయింట్ బ్లాక్‌లో విచారణ సందర్భంగా ఉగ్రవాద సహాయకులను అదుపులోకి తీసుకున్నట్లు పోలీసు అధికారులు తెలిపారు.
అంతకుముందు
ఈ సందర్భంగా భద్రతా బలగాలు వారి వద్ద నుంచి ఆయుధాలు, మందుగుండు సామాగ్రిని స్వాధీనం చేసుకున్నాయి. ఇందులో ఒక పిస్టల్, ఒక పిస్టల్ మ్యాగజైన్, 8 పిస్టల్ రౌండ్లు, ఒక గ్రెనేడ్, ఒక ఇంప్రూవైజ్డ్ ఎక్స్‌ప్లోజివ్ డివైస్ (IED) ఉన్నాయి. అంతకుముందు ఆగస్టు 6న బసంత్‌గఢ్ ప్రాంతంలో సాయంత్రం 4 గంటలకు భద్రతా బలగాలు, ఉగ్రవాదుల మధ్య ఎన్‌కౌంటర్ ప్రారంభమైంది. రెండు గంటల పాటు ఇరువర్గాల నుంచి కాల్పులు జరిగాయి. పొగమంచు నేపథ్యంలో భద్రతా దళాలు సాయంత్రం వరకు సెర్చ్ ఆపరేషన్ నిర్వహించాయి. అడవిలో దాక్కున్న ఉగ్రవాదులను మట్టుబెట్టేందుకు సైన్యం గాలింపు చర్యలు చేపట్టింది.
ఇవి కూడా చదవండి:
Police Seizes: పోలీసులకు చిక్కిన బంగారాన్ని మించిన పదార్థం.. 50 గ్రాములకే రూ.850 కోట్లు
Wayanad landslide: వయనాడ్‌లో పర్యటిస్తున్న ప్రధాని మోదీ
Saving Tips: SBI Fd Vs KVP.. రూ. 5 లక్షలు 10 ఏళ్ల పెట్టుబడికి ఏది బెస్ట్
Business Idea: పెట్టుబడి లేకుండా వ్యాపారం.. ఏటా 50 లక్షలకుపైగా సంపాదించే ఛాన్స్!
Saving Scheme: రోజూ ఇలా రూ.200 సేవ్ చేయండి.. రూ.28 లక్షలు పొందండి..
Read More Crime News and Latest Telugu News
