Littles : మీకు తెలుసా? చిలుక జాతికి చెందిన ఈ పక్షిని రెయిన్‌బో లోరీకీట్స్‌ అంటారనీ ?
ABN , Publish Date - May 21 , 2024 | 11:39 PM
చిలుక జాతికి చెందిన ఈపక్షిని రెయిన్‌బో లోరీకీట్స్‌ అంటారు ఇది ఇంద్రధనుస్సు రంగులమయంగా ఉంటుంది.
చిలుక జాతికి చెందిన ఈపక్షిని రెయిన్‌బో లోరీకీట్స్‌ అంటారు ఇది ఇంద్రధనుస్సు రంగులమయంగా ఉంటుంది.
పొడవు 30 సెం.మీ. వరకు ఉంటుంది. బరువు 75 గ్రాముల నుంచి 157 గ్రాములు ఉంటుంది. వింగ్‌ స్పాన్‌ 24 సెం.మీ. వరకూ ఉంటుంది.
ఈ చిలుకలు ఎక్కువగా ఆస్ట్రేలియాలో కనిపిస్తాయి.
నారింజ, నీలం, ఎరుపు, ఆకుపచ్చ, పసుపు పచ్చ.. రంగులు వేసినట్లుండే ఈ పక్షి ఎక్కువగా పండ్లు, ద్రాక్ష, యాపిల్స్‌, నట్స్‌ తినటానికి ఇష్టపడుతుంది.
వీటి ముక్కు, కాలి గోళ్లు బలమైనవి. ముక్కు సాయంతో చెట్టు మీద కిందికి వేలాడగలదు.
చెట్టు తొర్రల్లో, చెట్ల పైన, రాళ్ల మధ్య ఇవి గూడు కట్టుకుంటాయి.
రెండు గుడ్లు మాత్రమే పెడతాయి. ఇరవై ఐదు రోజుల పాటు తల్లి పక్షి మాత్రమే గూటిలో ఉంటుంది.
ఇవి మాట్లాడటంలో, కొత్త పదాలను నేర్చుకోవటంలో ముందుంటాయి. మనుషులతో ఫ్రెండ్లీగా, ప్రేమగా ఉంటాయి.
ఇవి పెంపుడు పక్షులు. అయితే ఆస్ర్టేలియాలో వీటిని పెంచుకోవటం నేరం.
వందలుగా గుంపులు వస్తాయి. ఇవి గట్టిగా అరుస్తాయి. జనాలను డిస్టర్బ్‌ చేస్తుంటాయి.
వీటి జీవనకాలం 30 సంవత్సరాలు.
