కడపలో దుర్గా దేవి, దర్గాను సందర్శించిన రామ్‌చరణ్‌

కడప: ప్రముఖ సంగీత దర్శకుడు ఏ.ఆర్‌.రెహమాన్ ఆహ్వానం మేరకు నటుడు, గ్లోబల్ స్టార్ రామ్ చరణ్ కడపలోని దర్గాను సోమవారం సందర్శించారు. ఆల్‌ ఇండియా 80వ ఉర్దూ కవి సమ్మేళనాన్ని రామ్‌చరణ్‌ ప్రారంభించారు. అయితే దీనికంటే ముందు డైరెక్టర్‌ బుచ్చిబాబు సానాతో కలిసి రామ్‌ చరణ్‌ కడపలోని విజయ దుర్గా దేవీ ఆలయాన్ని సందర్శించారు. శ్రీ విజయ దుర్గా దేవి ఆలయంలో ప్రత్యేక పూజలు చేశారు. రామ్ చరణ్‌కు ఆలయ నిర్వాహకులు దుర్గాప్రసాద్, అర్చకులు పూర్ణకుంభంతో స్వాగతం పలికారు.. రాంచరణ్‌తో పాటు దర్శకుడు బుచ్చి బాబు కూడా ఉన్నారు. తమ హీరోను చూడ్డానికి అభిమానులు పెద్ద ఎత్తున ఆలయ ప్రాంగణానికి చేరుకున్నారు.