Instagram: టీనేజర్ల ఖాతాల విషయంలో ఇన్స్టాగ్రామ్ కీలక నిర్ణయం.. ఇకపై నియంత్రణ మొత్తం..
ABN , Publish Date - Sep 18 , 2024 | 11:35 AM
ఇకపై ఇన్‌స్టాగ్రామ్‌ను(Instagram) టీనేజర్లు విచ్చలవిడిగా ఉపయోగించలేరు. ఎందుకంటే దీనిలో కీలక మార్పులు చేశారు. ఈ క్రమంలో 18 ఏళ్లలోపు యూజర్ల కోసం మెరుగైన గోప్యత, భద్రతా ఫీచర్‌లను అప్‌గ్రేడ్ చేసింది. అంతేకాదు తల్లిదండ్రుల నియంత్రణ ఫీచర్‌ను కూడా ప్రవేశపెట్టింది. ఆ వివరాలేంటో ఇక్కడ చుద్దాం.
టీనేజర్లను కట్టడి చేసేందుకు మెటా ఇన్స్టాగ్రామ్(Instagram)లో కీలక మార్పులను ప్రకటించింది. ఈ క్రమంలో 18 ఏళ్లలోపు వినియోగదారుల కోసం మెరుగైన గోప్యత, భద్రతా ఫీచర్‌లను అప్‌గ్రేడ్ చేసింది. అంతేకాదు తల్లిదండ్రుల నియంత్రణ ఫీచర్‌ను కూడా ప్రవేశపెట్టింది. అంటే పేరెంట్స్ ఇకపై టీనేజర్ల ఖాతాను నియంత్రించనున్నారు. దీంతో ఇన్‌స్టాగ్రామ్‌లో ఇప్పుడున్న 18 ఏళ్లలోపు అన్ని ఖాతాలు "టీన్ అకౌంట్స్"గా మార్చబడతాయి. ఇది డిఫాల్ట్‌గా ఉంటుందని ఇన్స్టాగ్రామ్ తెలిపింది.
తల్లిదండ్రుల నియంత్రణ
ఇది కాకుండా 16 సంవత్సరాల కంటే తక్కువ వయస్సు ఉన్న వినియోగదారులు వారి తల్లిదండ్రుల అనుమతితో మాత్రమే డిఫాల్ట్ అంటే ప్రైవేట్ సెట్టింగ్‌లను మార్చగలరు. Meta కొత్త మానిటరింగ్ టూల్‌ను కూడా విడుదల చేసింది. ఇది తల్లిదండ్రులు తమ పిల్లల ఖాతాను నియంత్రించడంలో సహాయపడుతుంది. వారు Instagramలో ఎంత సమయం గడుపుతున్నారు. వారు ఎవరితో మాట్లాడుతున్నారో పేరెంట్స్ తెలుసుకునే అవకాశం ఉంది.
ఫిర్యాదులు
Meta, TikTok, Google, YouTube వంటి సోషల్ మీడియా ప్లాట్ ఫాంల కారణంగా పిల్లల దుష్ప్రభావాలకు గురవుతున్నారని వందల కొద్దీ ఫిర్యాదులు వచ్చాయి. దీంతోపాటు గత సంవత్సరం కాలిఫోర్నియా, న్యూయార్క్‌తో సహా 33 US రాష్ట్రాలు ఈ ప్లాట్‌ఫారమ్ ప్రమాదకరమని, ప్రజలను తప్పుదారి పట్టిస్తుందని కంపెనీపై దావా వేశారు.
బిల్లులకు ఆమోదం
ఈ క్రమంలో రిమైండర్‌గా ఫేస్‌బుక్, ఇన్స్టాగ్రామ్, టిక్‌టాక్‌తో సహా ప్రధాన ప్లాట్‌ఫారమ్‌లలో 13 సంవత్సరాలు అంతకంటే ఎక్కువ వయస్సు ఉన్న వినియోగదారులు సైన్ అప్ చేయడానికి అనుమతించబడ్డారు. ఈ సంవత్సరం జులైలో US సెనేట్ రెండు ఆన్‌లైన్ భద్రతా బిల్లులను ఆమోదించింది. వాటిలో ది కిడ్స్ ఆన్‌లైన్ సేఫ్టీ యాక్ట్, ది చిల్డ్రన్ అండ్ టీన్స్ ఆన్‌లైన్ గోప్యతా రక్షణ చట్టం. ఈ చట్టాల ప్రకారం సోషల్ మీడియా కంపెనీలు పిల్లలు, యుక్తవయస్కులపై చూపే ప్రభావాన్ని నిర్ధారించేలా బలవంతం చేయవద్దు.
దీంతో 18 సంవత్సరాల కంటే తక్కువ వయస్సు ఉన్న ఇన్స్టాగ్రామ్ వినియోగదారులకు ప్రతిరోజూ 60 నిమిషాల తర్వాత యాప్‌ను మూసివేయమని తెలియజేయాలి. ఈ ఖాతాలకు డిఫాల్ట్ స్లీప్ మోడ్ కూడా ఉంటుంది. ఇది రాత్రిపూట యాప్‌ను మూసి వేసేలా చేస్తుంది.
ఈ దేశాల్లో మొదలు
ఈ నేపథ్యంలో ఇన్‌స్టాగ్రామ్‌లో ఖాతాను సృష్టించే 18 ఏళ్ల కంటే తక్కువ వయస్సు ఉన్న ఏ టీనేజ్ అయినా తల్లిదండ్రుల నియంత్రణలో ఉన్న టీన్ ఖాతా కోసం సైన్ అప్ చేయాలి. ఇది మంగళవారం అమెరికా, బ్రిటన్, కెనడా, ఆస్ట్రేలియాలో ప్రారంభమైంది. ఇందులో కఠినమైన గోప్యతా సెట్టింగ్‌లు ఉంటాయి. ఇలాంటి ఖాతా నుంచి తెలియని వారికి మెసేజ్ పంపలేం. దానిలోని కంటెంట్ కూడా పరిమితం చేయబడుతుంది. ఖాతా సెట్టింగ్‌లలో మార్పులు చేయడానికి టీనేజర్లు వారి తల్లిదండ్రుల అనుమతి తీసుకోవడం తప్పనిసరి.
ఇవి కూడా చదవండి:
Smartphone: రూ.7 వేలకే సామ్‌సంగ్ స్మార్ట్‌ఫోన్.. 50 మెగాపిక్సెల్ కెమెరా, ఇంకా..
Pagers: పేజర్లతో పేలుడు విధ్వంసం.. పేజర్ అంటే ఏంటి, వీటి వాడకం ఎక్కడ
Money Saving Tips: రోజు కేవలం రూ. 100 ఆదా చేయడంతో కోటీశ్వరులు కావచ్చు.. ఎలాగంటే
Personal Loans: లోన్ యాప్స్ నుంచి రుణం తీసుకుంటున్నారా.. ఈ 4 తప్పులు అస్సలు చేయోద్దు
For MoreTechnology NewsandTelugu News..
