Telangana: కలెక్టర్ ఏం చేస్తోంది.. భర్త పక్కన పడుకుందా.. కాంగ్రెస్ నేత జగ్గారెడ్డి సంచలన వ్యాఖ్యలు..

కాంగ్రెస్ సీనియర్ నేత, మాజీ ఎమ్మెల్యే జగ్గారెడ్డి మరోసారి సంచలన వ్యాఖ్యలు చేశారు. ఓ కార్యక్రమంలో ఆయన చేసిన వ్యాఖ్యలు ప్రస్తుతం సోషల్ మీడియాలో వైరల్ అవుతున్నాయి. ఓ కలెక్టర్‌కు తాను ఫోన్ చేస్తే ఎత్తలేదని, దీంతో తనకు కోసం వచ్చి తిట్టానంటూ బహిరంగంగానే చెప్పారు. ప్రస్తుతం జగ్గారెడ్డి వ్యాఖ్యలు కలకలం రేపుతున్నాయి. ప్రస్తుత కలెక్టర్‌ను ఉద్దేశించి ఈ వ్యాఖ్యలు చేశారా లేదంటే గతంలో ఎప్పుడైనా జరిగిన సంఘటనను ఇప్పుడు ప్రస్తావించారా అనే విషయంలో స్పష్టతలేదు. కానీ మహిళా కలెక్టర్‌ను ఉద్దేశించి ఆయన ఈ వ్యాఖ్యలు చేసినట్లు తెలుస్తోంది. జగ్గారెడ్డి పుట్టినరోజు వేడుకలను ఈ ఏడాది జులైనలో మైనార్టీ నాయకులు నాల్సాబ్ గడ్డ చౌరస్తాలో నిర్వహించగా.. ఆ సమయంలో జిల్లా కలెక్టర్‌ను ఉద్దేశించి ఉర్దూలో మాట్లాడారు. తాజాగా ఆ వ్యాఖ్యలు సోషల్ మీడియాలో వైరల్ అవుతున్నాయి. కలెక్టర్‌ని తిట్టానని కూడా జగ్గారెడ్డి చెప్పారు.

జగ్గారెడ్డి ఏమన్నారు..

పదిసార్లు ఫోన్ చేసిన తన ఫోన్ ఎత్తకపోవడంతో కలెక్టర్‌ను తిట్టానంటూ సంగారెడ్డి మాజీ ఎమ్మెల్యే జగ్గారెడ్డి సంచలన వ్యాఖ్యలు చేశారు. ప్రస్తుతం సామాజిక మాద్యమంలో ఆయన వ్యాఖ్యలకు సంబంధించిన వీడియో వైరల్ అవుతోంది. చివరకు కలెక్టర్ పీఏకు ఫోన్ చేశానని, కలెక్టర్ ఆఫీసులో లేకుండా ఇంట్లో పడుకున్నారా అని అడిగానన్నారు. అంతేకాకుండా కలెక్టర్ భర్తతో పడుకుందా అని కూడా పీఏను ప్రశ్నించానంటూ జగ్గారెడ్డి ప్రసంగించినట్లు వీడియోలో ఉంది. తనకు కోపం వస్తే ఇలాగే ఉంటుందని అన్నారు. ప్రస్తుతం జగ్గారెడ్డి వ్యాఖ్యలు తీవ్ర రాజకీయ దుమారాన్ని రేపుతున్నాయి. ఓ మహిళా కలెక్టర్ గురించి ఆయన మాట్లాడిన తీరును కొందరు తప్పుపడుతున్నారు. జగ్గారెడ్డి ఏ సందర్భంలో ఆ వ్యాఖ్యలు చేశారు. నిజంగా ఆ వీడియోలో జగ్గారెడ్డి అలా మాట్లాడారా.. లేదంటే ఎవరైనా మార్ఫింగ్ చేశారా అనే విషయంపై క్లారిటీ రావాల్సిఉంది. ఇప్పటివరకు ఈ వీడియోపై జగ్గారెడ్డి స్పందించలేదు. స్వయంగా ఆయన స్పందించే మరింత క్లారిటీ వచ్చే అవకాశం ఉంది. ఇటీవల కాలంలో మాజీ ఎమ్మెల్యే జగ్గారెడ్డి వ్యాఖ్యలు తీవ్ర వివాదస్పదమవుతున్నాయి. ఒక్కోసారి ఆయన వ్యాఖ్యలు సొంతపార్టీ నేతలను ఇరుకునపెడుతున్నాయి. ప్రస్తుతం జగ్గారెడ్డి వ్యాఖ్యలపై కాంగ్రెస్ పార్టీ, ప్రభుత్వం ఎలా స్పందిస్తుందనేది వేచి చూడాలి.

ఆ కలెక్టర్ ఎవరు..

జగ్గారెడ్డి ఏ కలెక్టర్‌ను ఉద్దేశించి ఈ వ్యాఖ్యలు చేశారనే చర్చ జరుగుతోంది. సంగారెడ్డి జిల్లా ఏర్పడినప్పటినుంచి ఇప్పటివరకు ఐదుగురు జిల్లా కలెక్టర్లుగా పనిచేయగా.. వీరిలో ఒకేఒక్క మహిళ ఉన్నారు. ఆమె ప్రస్తుతం కలెక్టర్‌గా కొనసాగుతున్నారు. ఈ ఏడాది జనవరి4 నుంచి ఆమె సంగారెడ్డి కలెక్టర్‌గా పనిచేస్తున్నారు. జగ్గారెడ్డి ప్రస్తుత కలెక్టర్‌ను ఉద్దేశించి ఈ వ్యాఖ్యలు చేశారా.. లేదంటే మరెవరినైనా ఉద్దేశించి చేశారా అనే క్లారిటీ రావాల్సిఉంది.

మరిన్ని వార్తల కోసం ఇక్కడ క్లిక్ చేయండి

Read More Latest Telugu News Click Here