Priyanka: తెలంగాణలో నేడు ప్రియాంక గాంధీ పర్యటన.. షెడ్యూల్ ఇదే..

హైదరాబాద్: తెలంగాణ అసెంబ్లీ ఎన్నికల (Telangana Assembly Elections) నేపథ్యంలో కాంగ్రెస్ (Congress) ప్రచారంలో జోరు పెంచింది. అగ్ర నేతలు రాష్ట్రంలో వరుస పర్యటనలు చేస్తున్నారు. ఈ క్రమంలో ఆదివారం ప్రియాంక గాంధీ (Priyanka Gandhi) తెలంగాణలో పర్యటించనున్నారు. ఖానాపూర్, అసిఫాబాద్ నియోజక వర్గాలలో ప్రచారం చేయనున్నారు. నాందేడ్ నుంచి ప్రత్యేక హెలికాప్టర్లో ఉదయం 10.30 గంటలకు ఖానాపూర్ చేరుకోకున్నారు. ఖానాపూర్‌లో గంటసేపు ప్రచారం చేయనున్నారు. 12 గంటలకు అసిఫాబాద్ వస్తారు. అక్కడ ఎన్నికల ప్రచారంలో పాల్గొంటారు. ఈ మేరకు కాంగ్రెస్ పార్టీ అన్ని ఏర్పాట్లు చేసింది.

అనంతరం ప్రియాంక గాంధీ నాగోబా దేవాలయాన్ని సందర్శించి ప్రత్యేక పూజలు చేయనున్నారు. గిరిజనులతో కలిసి ప్రత్యేక వంటకాలు వండి అక్కడే భోజనం చేయనున్నారు. మహిళలతో కలిసి ఆర్టీసీ బస్‌లో ప్రయాణం చేస్తారు. తర్వాత అసిఫాబాద్ నుంచి నాందేడ్ వెళతారు. కాగా ఈ నెల 30న జరిగే తెలంగాణ అసెంబ్లీ ఎన్నికల్లో ఎలాగైనా అధికారంలోకి రావాలని కాంగ్రెస్ భావిస్తుండగా.. మరోసారి గెలిచి హ్యాట్రిక్ కొట్టాలని బీఆర్ఎస్ గట్టిగా కృషి చేస్తోంది.