రైతులకు సకాలంలో విత్తనాలు
ABN , Publish Date - Oct 06 , 2024 | 04:09 AM
ప్రతి సీజన్‌లోనూ సకాలంలో రైతులకు నాణ్యమైన విత్తనాలు అందిస్తామని రాష్ట్ర విత్తనాభివృద్ధి సంస్థ చైర్మన్‌ మన్నే సుబ్బారెడ్డి చెప్పారు.
ఏపీ సీడ్స్‌ నూతన చైర్మన్‌ సుబ్బారెడ్డి
అమరావతి, అక్టోబరు 5 (ఆంధ్రజ్యోతి): ప్రతి సీజన్‌లోనూ సకాలంలో రైతులకు నాణ్యమైన విత్తనాలు అందిస్తామని రాష్ట్ర విత్తనాభివృద్ధి సంస్థ చైర్మన్‌ మన్నే సుబ్బారెడ్డి చెప్పారు. కర్నూలు జిల్లా డోన్‌కు చెందిన ఆయన శనివారం విజయవాడలోని ఏపీసీడ్స్‌ ప్రధాన కార్యాలయంలో వేదమంత్రోచ్ఛరణల మధ్య ప్రమాణస్వీకారం చేసి, చైర్మన్‌గా పదవీ బాధ్యతలు చేపట్టారు. ముఖ్యమంత్రి చంద్రబాబు తనకు అప్పగించిన బాధ్యతల్ని సక్రమంగా నిర్వహించి, రైతులకు సేవ చేస్తానని ఆయన వివరించారు. ఈ కార్యక్రమానికి మంత్రి బీసీ జనార్దన్‌రెడ్డి హాజరై, సుబ్బారెడ్డికి శుభాకాంక్షలు తెలిపారు.
