Godrej Family: 127 ఏళ్ల గోద్రెజ్ కుటుంబం విడిపోతున్నట్లు ప్రకటన

రూ.2.74 లక్షల కోట్ల ఆస్తులున్న 127 ఏళ్ల గోద్రెజ్ కుటుంబం(Godrej Family) ఇప్పుడు రెండు భాగాలుగా(split) విడిపోయింది. విభజన ఒప్పందంపై సంతకం చేసిన తర్వాత ఈ మేరకు ప్రకటనను విడుదల చేశారు. దీంతో గోద్రెజ్ కుటుంబంలోని రెండు శాఖల మధ్య చీలికలో ఒకవైపు ఆది గోద్రెజ్, ఆయన సోదరుడు నాదిర్ గోద్రెజ్, మరోవైపు వారి బంధువులు జంషెడ్, స్మిత ఉన్నారు. విభజన ఒప్పందం ప్రకారం ఆది గోద్రెజ్(Adi Godrej), ఆయన సోదరుడు నాదిర్‌(Nadir)లు గోద్రెజ్ ఇండస్ట్రీస్‌కు చెందిన ఐదు లిస్టెడ్ కంపెనీలను కలిగి ఉంటారు. అయితే వారి కజిన్‌లు జంషెడ్, స్మితలకు ముంబైలోని విక్రోలి, ఇతర ప్రదేశాలలోని సుమారు 3400 షేర్లతో పాటు అన్‌లిస్టెడ్ కంపెనీ గోద్రెజ్ & బోయ్స్ ఉంటాయి.

2026లో బాధ్యతలు

గోద్రెజ్ గ్రూప్(Godrej Group) విడుదల చేసిన ఒక ప్రకటనలో విభజనను యాజమాన్య పునర్వ్యవస్థీకరణగా పేర్కొన్నారు. సామరస్యాన్ని కొనసాగించడం, విభేదాలను అంగీకరించడం అనే తత్వశాస్త్రం ఆధారంగా గౌరవప్రదంగా ఒప్పందం కుదిరింది. రెండు గ్రూపులు గోద్రెజ్ బ్రాండ్‌ను ఉపయోగించడం కొనసాగిస్తాయి. వారి భాగస్వామ్య వారసత్వాన్ని మెరుగుపరచడానికి, బలోపేతం చేయడానికి కట్టుబడి ఉంటాయి. ఆది కుమార్తె 42 ఏళ్ల పిరోజ్షా గోద్రెజ్.. గోద్రెజ్ ఇండస్ట్రీస్ గ్రూప్‌లో ఆది నాదిర్ వాటాకు ఎగ్జిక్యూటివ్ వైస్ ప్రెసిడెంట్‌గా వ్యవహరిస్తారు. ఆమె ఆగస్టు 2026లో నాదిర్ నుంచి అధ్యక్షురాలిగా బాధ్యతలు స్వీకరించనున్నారు. గోద్రెజ్ & బోయ్స్ గ్రూప్‌కి సీఎండీ జంషెడ్ గోద్రెజ్, ఎగ్జిక్యూటివ్ డైరెక్టర్ న్యారికా హోల్కర్ నేతృత్వం వహిస్తారు.

స్వాతంత్రానికి ముందే

గోద్రెజ్ గ్రూప్ 1897లో తాళాలు(locks) అమ్మడం ద్వారా వ్యాపారం ప్రారంభించి నేడు అనేక రంగాలలో వ్యాపారం చేస్తుంది. ఇందులో ఇంజనీరింగ్, పరికరాలు, భద్రతా పరిష్కారాలు, వ్యవసాయ ఉత్పత్తులు, రియల్ ఎస్టేట్ సహా వినియోగదారు ఉత్పత్తులు ఉన్నాయి. భారతదేశ ఆర్థిక స్వాతంత్య్రాన్ని నిర్మించడంలో సహాయం చేయడానికి గోద్రెజ్ గ్రూప్ స్థాపించబడిందని నాదిర్ గోద్రేజ్ ఈ సందర్భంగా చెప్పారు. 127 ఏళ్ల తర్వాత కూడా ఈ వారసత్వాన్ని ముందుకు తీసుకెళ్లాలని తాము ఎదురుచూస్తున్నామని అన్నారు.

ఇది కూడా చదవండి:

LPG Gas: గుడ్ న్యూస్.. తగ్గిన ఎల్‌పీజీ గ్యాస్ ధర

Abhibus : ఓటర్ల కోసం అభిబస్‌ ప్రత్యేక ఆఫర్‌

Read Latest Business News and Telugu News