Vistara: ప్రయాణికులకు అలర్ట్.. ఈ విమాన టిక్కెట్స్ బుకింగ్ బంద్

ప్రస్తుతం దేశంలోని విమానయాన రంగంలో అనేక మార్పులు చోటుచేసుకుంటున్నాయి. ఈ క్రమంలోనే ఒకప్పుడు గగనతలాన్ని శాసించిన ఫ్లైట్స్ ఇప్పుడు ప్రయాణించే అవకాశం కూడా లేకపోవడంతో విస్తారా(Vistara) విమానాల్లో(flights) టికెట్ బుకింగ్ నిషేధించారు. సెప్టెంబర్ 3 తర్వాత ప్రయాణికులు విస్తారాలో టిక్కెట్లు బుక్ చేసుకోలేరని కంపెనీ శుక్రవారం తెలిపింది. ఇది ఈ విమాన ప్రయాణికులకు షాకింగ్ న్యూస్ అని చెప్పవచ్చు. విస్తారా ఎయిర్‌లైన్స్, ఎయిర్ ఇండియా మధ్య విలీన ప్రక్రియ చాలా కాలంగా కొనసాగుతోంది. ఇది నవంబర్ 12 నాటికి ఖరారు అయ్యే అవకాశం ఉంది. ప్రస్తుతం విస్తారా ఎయిర్‌క్రాఫ్ట్ ఎయిర్ ఇండియా బ్రాండ్‌తో నడపబడుతోంది. దీని కారణంగా ప్రయాణీకులు దాని టిక్కెట్‌లను బుక్ చేసుకోలేరు.

విలీనం నేపథ్యంలో

వాస్తవానికి విస్తారా(Vistara), ఎయిర్ ఇండియా(Air India) విలీన ప్రక్రియ(merger) ప్రారంభమైన తర్వాత ఈ చర్య తీసుకోబడింది. సెప్టెంబర్ 3, 2024 తర్వాత ప్రయాణికులు విస్తారా విమానాలను బుక్ చేసుకోలేరని విస్తారా CEO వినోద్ కన్నన్ శుక్రవారం తెలిపారు. దీనికి బదులు ఇప్పుడు ఈ సంస్థ అన్ని సేవలు ఎయిర్ ఇండియా వెబ్‌సైట్ నుంచి అందుబాటులో ఉంటాయన్నారు. అన్ని ఇక్కడ నుంచే ప్రయాణీకులకు ఇవ్వబడతాయన్నారు. గత 10 సంవత్సరాలుగా మా సేవలను విశ్వసిస్తున్న ప్రయాణీకులకు కృతజ్ఞతలు తెలియజేస్తున్నట్లు ఈ సందర్భంగా తెలియజేశారు.

చివరి విమానం ఎప్పుడు?

విస్తారా, ఎయిర్ ఇండియా విలీనానికి అన్ని రెగ్యులేటరీ అనుమతులు లభించాయి. సెప్టెంబర్ 3 తర్వాత ఎయిర్ ఇండియా రెండు కంపెనీల విమానాలను నిర్వహిస్తుంది. ఈ నేపథ్యంలో విస్తారా చివరి విమానం నవంబర్ 11న ఎగురుతుంది. ఆ తర్వాత అన్ని విమానాలు ఎయిర్ ఇండియా ఆధ్వర్యంలో పనిచేస్తాయి. ఇటీవలే టాటా గ్రూప్ ఎయిర్ ఇండియాను ప్రభుత్వం నుంచి కొనుగోలు చేసింది. దీంతో ఇప్పుడు ఎయిర్ ఇండియా, విస్తారా రెండింటినీ టాటా గ్రూప్ నిర్వహిస్తుంది. సెప్టెంబర్ 3 తర్వాత ఎలాంటి బుకింగ్ ఉండవని లేదా నవంబర్ 12 నుంచి విస్తారా విమానాలు నడపబడవని విస్తారా స్పష్టం చేసింది.

బుక్ చేసుకున్న టిక్కెట్లు ఏమవుతాయి?

సెప్టెంబరు 3వ తేదీలోపు టిక్కెట్లు బుక్ చేసుకున్న లేదా ఇప్పుడు బుక్ చేసుకునే ప్రయాణికులు నవంబర్ 11వ తేదీ వరకు విమానాల్లో ప్రయాణించవచ్చని విస్తారా స్పష్టం చేసింది. ఆ తరువాత విస్తారా ఆధ్వర్యంలో విమానాలు పనిచేయవు. ఈ విలీనం తర్వాత ప్రయాణికులు ఎయిర్ ఇండియా నెట్‌వర్క్ ఆధ్వర్యంలో సౌకర్యాలను పొందుతారు. ఈ కొత్త ప్రారంభం గురించి మేము చాలా సంతోషిస్తున్నామని విస్తారా సీఈఓ వెల్లడించారు.

ప్రయాణికులందరికీ

విల్సన్ విలీన ప్రక్రియ సమయంలో ఎయిర్ ఇండియా, విస్తారాలోని ప్రయాణికులందరికీ కంపెనీ వెబ్‌సైట్, సోషల్ మీడియా ఛానెల్‌లు, ఇ-మెయిల్ నుంచి ప్రతి అప్‌డేట్ లభిస్తుందని ఎయిర్ ఇండియా సీఈఓ, ఎండీ క్యాంప్‌బెల్ చెప్పారు. ఇందులో వెబ్ చెక్-ఇన్, లాంజ్ యాక్సెస్ వంటి అన్ని ఇతర సౌకర్యాలు ఉన్నాయని తెలిపారు. ఈ నేపథ్యంలో రెండు కంపెనీల క్రూ సభ్యులు, గ్రౌండ్ స్టాఫ్ కలిసి పని చేస్తారని వెల్లడించారు.

ఇవి కూడా చదవండి:

Narendra Modi: గ్లోబల్ ఫిన్‌టెక్ ఫెస్ట్‌లో పాల్గొన్న ప్రధాని మోదీ.. కరెన్సీ గురించి కీలక వ్యాఖ్యలు

Personal Loan: పర్సనల్ లోన్స్ తీసుకుంటున్నారా.. ఈ ఛార్జీల విషయంలో జాగ్రత్త

Business Idea: రూ. 15 వేల పెట్టుబడితో వ్యాపారం .. నెలకు రూ.50 వేలకుపైగా ఆదాయం

Bank Holidays: సెప్టెంబర్ 2024లో బ్యాంకు సెలవులు ఎన్నంటే.. గణేష్ చతుర్థి సహా..

Read More Business News and Latest Telugu News