Andhra Pradesh: ధనస్సు ఆకారంలో అద్భుత రామాలయం.. మీరెప్పుడైనా ఈ గుడికి వెళ్లారా.. ఎక్కడంటే

శ్రీరామ..!!.. ఇది పేరు మాత్రమే కాదు. భక్తజనకోటి హృదయాల్లో చిరస్థాయిగా నిలిచిపోయిన వేదమంత్రం. రాముడితో తెలుగు నేలకు విశేష అనుబంధం ఉంది. ఆ పేరు చెబితే చాలు తెలుగు లోగిళ్లు పులకిస్తాయి. భక్తితో నమస్కరిస్తాయి. రామయ్య మా వాడే అంటూ ఆప్యాయంగా హత్తుకుంటాయి. రఘునందనుడి కల్యాణంతో పాటు పట్టాభిషేక మహోత్సవం జరిగే శ్రీరామనవమికి ఆ సీతారామలక్ష్మణులను చూసేందుకు రెండు కళ్లూ చాలవు. ఆ నీలమేఘశ్యామునిపై తమ భక్తిని ( Devotional ) పలు రకాలుగా చాటుకుంటుంటారు. ఈ క్రమంలో ఆంధ్రప్రదేశ్ లోని విజయనగరం జిల్లాలో శ్రీరాముడు తన కోదండం ఎక్కుపెట్టినట్టు నిర్మించిన ఆలయం ప్రత్యేక ఆకర్షణగా నిలుస్తోంది. విజయనగరం నుంచి కోరుకొండ వెళ్లేదారిలో విజయనగరం రైల్వే స్టేషన్ కు 9 కిలోమీటర్ల దూరంలో ఎన్సీఎస్ ట్రస్ట్ ఈ దేవాలయాన్ని నిర్మించింది.

Health: అధికంగా వ్యాయామం చేయడమూ ముప్పే.. షాకింగ్ విషయాలు మీకోసం..

నారాయణం నరసింహ మూర్తి కోరిక మేరకు ఆయన కుమారులు నిర్మించారు. ఈ మందిరాన్ని గరికపాటి నరసింహారావు, చాగంటి కోటేశ్వరరావు సహా పలువురు ప్రముఖులు 2014 మార్చి 22 న ప్రారంభించారు. 15 ఎకరాల విస్తీర్ణంలో ఉండే ఈ ఆధ్యాత్మిక కట్టడం మంచి పర్యాటక ప్రదేశంగా ఆకర్షిస్తోంది. విల్లు ఆకారంలో నిర్మించి ఈ ఆలయంలో రామాయణంలోని 72 ఘట్టాలను 72 విగ్రహాలుగా చెక్కారు. ధనస్సు మధ్యలో 60 అడుగుల ఆంజనేయ స్వామి విగ్రహం నిర్మించారు. ఆలయ ప్రాంగణంలో వేదపాఠశాల సైతం నిర్వహిస్తున్నారు.

Congress: ఎన్నికల బాండ్లలో పట్టుబడినందుకే ఇంటర్వ్యూలు.. ప్రధాని పై రాహుల్ ఘాటు వ్యాఖ్యలు..

ఈ ఆలయాన్ని రెండంతస్థులుగా నిర్మించారు. బయట జయ విజయులు, గరుత్మంతుడు, శుకుడు, నారద తుంబురుల విగ్రహాలు ఉన్నాయి. కింద మెట్లకు ఇరువైపులా 16 అడుగుల ఎత్తున్న శ్రీ మహాలక్ష్మి, శ్రీ సరస్వతుల విగ్రహాలు కనిపిస్తాయి. ఈ రెండు విగ్రహాల దగ్గర ఫౌంటెన్ లు ప్రత్యేక ఆకర్షణ. మెట్లకు ముందు ఈ ఆలయాన్ని నిర్మించిన నారాయణం నరసింహమూర్తి విగ్రహం...పెద్ద పూలతోట ఉంటుంది. కింది అంతస్తులో అన్న ప్రసాద శాల, అల్పాహార శాల, గ్రంథాలయం, వేద పాఠశాల, ధ్యాన మందిరం, కళ్యాణ మండపం, గోశాల ఉన్నాయి.

మరిన్ని ఆధ్యాత్మికం వార్తల కోసం క్లిక్ చేయండి.