రష్యాలో అమెరికా జర్నలిస్టుకు 16 ఏళ్ల జైలు శిక్ష
ABN , Publish Date - Jul 20 , 2024 | 06:23 AM
గూఢచర్యానికి పాల్పడ్డాడన్న ఆరోపణలపై అమెరికాకు చెందిన జర్నలిస్టు ఎవాన్‌ గెర్షికోవిచ్‌ (32)కు ఓ రష్యా కోర్టు 16 ఏళ్ల జైలు శిక్ష విధించింది.
మాస్కో, జూలై 19: గూఢచర్యానికి పాల్పడ్డాడన్న ఆరోపణలపై అమెరికాకు చెందిన జర్నలిస్టు ఎవాన్‌ గెర్షికోవిచ్‌ (32)కు ఓ రష్యా కోర్టు 16 ఏళ్ల జైలు శిక్ష విధించింది. ఆయన వాల్‌స్ట్రీట్‌ జర్నల్‌కు రిపోర్టర్‌గా పనిచేస్తున్నారు. రష్యా యుద్ధ ట్యాంకుల కంపెనీకి చెందిన రహస్య సమాచారాన్ని అమెరికా గూఢచార సంస్థ సీఐఏకు అందజేసినట్టు ఆయనపై కేసు నమోదయింది. ఈ వ్యవహారంలో రహస్యంగా విచారణ జరిపిన కోర్టు శుక్రవారం తీర్పు వెలువరించింది. ప్రచ్ఛన్న యుద్ధం ముగిసిన అనంతరం గూఢచర్యం నేరంపై అమెరికా జర్నలిస్టును అరెస్టు చేయడం ఇదే తొలిసారి. అయితే తాను నేరం చేయలేదని ఎవాన్‌ అన్నారు.
