Train Accident Averted: పట్టాలపై తొలగించిన ఫిష్‌ప్లేట్లు.. మరో రైలుకు తప్పిన ప్రమాదం
ABN , Publish Date - Oct 07 , 2024 | 05:38 PM
బికనెర్ అర్బన్ ప్రాంతంలోని చౌకుంతి ఓవర్‌బ్రిడ్జి కింద నున్న రైల్వే ట్రాక్‌పై ఫిష్ ప్లేట్లు ఊదదీసి కనిపించడాన్ని స్థానికులు గుర్తించడంతో అధికారులు సకాలంలో అక్కడకు చేరుకున్నారు.
బికనెర్: రైళ్లను పట్టాలు తప్పించి ప్రమాదాలను సృష్టించేందుకు జరుగుతున్న ప్రయత్నాలు ఇటీవల కాలంలో ఆందోళన కలిగిస్తుండగా ఇదే తరహా ఘటన తాజాగా రాజస్థాన్‌ (Rajasthan) లోని బికనెర్‌లో చోటుచేసుకుంది. అగంతకులు కొందరు రైలు పట్టాలపై ఫిష్‌ప్లేట్లు తొలగించడాన్ని సకాలంలో అధికారులు గుర్తించడంతో ప్రమాదం తప్పింది. బికనెర్ అర్బన్ ప్రాంతంలోని చౌకుంతి ఓవర్‌బ్రిడ్జి కింద నున్న రైల్వే ట్రాక్‌పై ఫిష్ ప్లేట్లు ఊదదీసి కనిపించడాన్ని స్థానికులు గుర్తించడంతో అధికారులు సకాలంలో అక్కడకు చేరుకున్నారు.
Amith Shah: ముగిసిన భేటీ.. మావోయిస్టులపై కీలక వ్యాఖ్యలు
కాగా, కొందరు యువకులు ఫిష్ ప్లేట్లను తొలగిస్తుండగా స్థానికులు గమనించి గట్టిగా కేకలు వేయడంతో వారు పారిపోయినట్టు తెలిసింది. అనంతరం రైల్వే అధికారులు, ఆర్‌పీఎఫ్‌కు సమాచారం అందించడంతో వారు ఘటనా స్థలికి చేరుకున్నారు. రైల్వే వర్క్‌షాప్ సిబ్బంది అప్పటికిప్పుడు ఫిష్ ప్లేట్లను గట్టిగా బిగించి ట్రాక్‌పై ఎలాంటి ప్రమాదాలు జరక్కుండా చర్యలు తీసుకున్నారు. షిఫ్ ప్లేట్లు తొలగించిన అగంతకులను ఇంతవరకూ గుర్తించలేదు. అయితే, ఇది ఎలాంటి కుట్ర కాదని, సమీపంలో మాదక ద్రవ్యాలకు అలవాటు పడిన కొందరు యువకుల పనిగా అనుమానిస్తున్నామని రైల్వే అధికారులు తెలిపారు.
Read More National News and Latest Telugu News
ఇది కూడా చదవండి...
