EC : హరియాణా ఎన్నికల షెడ్యూల్‌లో మార్పులు
ABN , Publish Date - Sep 01 , 2024 | 04:02 AM
హరియాణా అసెంబ్లీ ఎన్నికల తేదీలను శనివారం ఎన్నికల సంఘం(ఈసీ) సవరించింది.
పోలింగ్‌ అక్టోబరు 1న బదులు 5న.. లెక్కింపు 8వ తేదీన
అసోజ్‌ అమావాస్య కారణంగానే సవరణ
హరియాణా ఎన్నికల తేదీల సవరణ
హరియాణా అసెంబ్లీ ఎన్నికల తేదీలను శనివారం ఎన్నికల సంఘం(ఈసీ) సవరించింది. పోలింగ్‌ను అక్టోబరు 1 నుంచి 5వ తేదీకి, ఓట్ల లెక్కింపును అక్టోబరు 4 నుంచి 8వ తేదీకి మార్చింది. అసోజ్‌ అమావాస్యను పురస్కరించుకొని హరియాణా, రాజస్థాన్‌లోని బిష్ణోయ్‌ సామాజిక వర్గం వారు తమ గురువైన గురు జంబేశ్వర్‌ పూజల్లో పాల్గొంటారు. అక్టోబరు 1న ఎన్నికలు నిర్వహిస్తే వారు ఓటు హక్కును కోల్పోతారంటూ వినతులు రావడంతో ఈసీ ఈ మార్పులు చేసింది. కాగా, హరియాణా కారణంగా కశ్మీర్‌ ఓట్ల లెక్కింపు కూడా అక్టోబరు 8కి మారింది. అక్టోబరు 1న జరగనున్న కశ్మీర్‌ మూడో దశ పోలింగ్‌ తేదీలో మార్పుల్లేవు.
