Jogipet: జోగిపేట పోలీస్ స్టేషన్‌ ముందే భారీ చోరీ..

• కారు అద్దాలు పగులకొట్టి రూ.10 లక్షల అపహరణ

జోగిపేట, ఆగస్టు 12: పట్టపగలే.. అదీ పోలీస్‌ స్టేషన్‌ ఎదుటే భారీ చోరీ జరిగింది.ఆపి ఉన్న కారు అద్దాలు పగులకొట్టి దొంగలు ఏకంగా రూ.10 లక్షలు ఎత్తుకెళ్లారు. సోమవారం సంగారెడ్డి జిల్లా జోగిపేటలో ఈ ఘటన చోటుచేసుకుంది. వాసవీనగర్‌ కాలనీలో నివాసముండే రవీందర్‌రెడ్డి ట్రాన్స్‌కోలో డిప్యూటీ ఏఈగా పనిచేసి రిటైరయ్యారు. ఆయన తన కుమారుడు సాయికిరణ్‌తో కలిసి మధ్యాహ్నం పట్టణంలోని ఎస్‌బీఐ బ్యాంకులో రూ.10 లక్షలు డ్రా చేసుకుని కారులో ఇంటికి బయలుదేరారు.

ఈ క్రమంలో స్థానిక పోలీ్‌సస్టేషన్‌ ఎదుట కారు ఆపి.. స్వీట్‌ షాప్‌లోకి వెళ్లారు. ఇదే అదునుగా గుర్తుతెలియని దొంగలు.. కారు అద్దాలు పగులగొట్టి రూ.10లక్షలు అపహరించి పారిపోయారు. కారు వద్దకు వచ్చిన రవీందర్‌రెడ్డి.. విషయాన్ని గమనించి వెంటనే పోలీస్‌ స్టేషన్‌లో ఫిర్యాదు చేశారు.