మక్తమాదారం-ఇబ్రహీంపట్నం బస్సు సర్వీసు ప్రారంభం

కడ్తాల్‌, నవంబరు 20(ఆంధ్రజ్యోతి): మండలంలోని మక్తమాదారం గ్రామం నుంచి ఇబ్రహీంపట్నంకు నూతనంగా ఆర్టీసీ బస్సు సర్వీసు ను ప్రారంభించారు. బుధవారం మక్తమాదారంలో ఆమనగల్లు బ్లాక్‌ కాంగ్రెస్‌ అధ్యక్షుడు యాట నర్సింహ, మాజీ సర్పంచ్‌ సులోచన సాయిలు, మాజీ ఎంపీటీసీ మంజుల చంద్రమౌళిలు సర్వీసును ప్రారంభించారు. ఇబ్రహీంపట్నం డిపో నుంచి ఏర్పాటు చేసిన బస్సు మక్తమాదారం నుంచి ఇబ్రహీంపట్నం వరకు ప్రతీ రోజు మూడు ట్రిప్పులు నడుస్తుందని వారు తెలిపారు. ఉదయం 5.15, 6.30, 10 గంటలకు బస్సులు బయలు దేరుతాయని తెలిపారు. విద్యార్థులు, ప్రయాణికులకనుగుణంగా బస్సు సౌకర్యాన్ని కల్పించిన ఇబ్రహీంపట్నం ఆర్టీసీ డీఎంకు గ్రామస్థులు కృతజ్ఞతలు తెలిపారు. నాయకులు నర్సింహగౌడ్‌, జంగయ్య, యాదగిరి, శ్రీనివాస్‌, మహేందర్‌, నాగేశ్‌, చెన్నయ్య, యాదయ్య, తదితరులు పాల్గొన్నారు.