ప్రచార కళాయాత్రను విజయవంతం చేయాలి

-కలెక్టర్‌ ప్రతీక్‌ జైన్‌

వికారాబాద్‌, నవంబరు 20 (ఆంధ్రజ్యోతి): ప్రజాపాలన విజయోత్సవాల సందర్భంగా ప్రచార కళాయాత్ర కార్యక్రమాలను ముమ్మరంగా నిర్వహంచాలని కలెక్టర్‌ ప్రతీక్‌ జైన్‌ సూచించారు. మంగళారం ప్రజాపాలన విజయోత్సవాలు ప్రారంభమైన నేపథ్యంలో కళాయాత్ర వాహనాన్ని అదనపు కలెక్టర్‌ లింగ్యానాయక్‌తో కలిసి ప్రారంభించారు. ఈ సందర్భంగా ఆయన మాట్లాడుతూ విజయోత్సవాల్లో భాగంగా జిల్లాలోని తెలంగాణ సాంస్కృతిక కళాకారులు నేటి నుంచి డిసెంబర్‌ 7 వరకు ప్రతీ రోజు 3 గ్రామాలలో ప్రభుత్వ సంక్షేమ పథకాల అమలుపై పాటలు, కళా ప్రదర్శనల ద్వారా ప్రచారం నిర్వహిస్తారన్నారు. ప్రభుత్వం అమలు చేస్తున్న అభివృద్ధి సంక్షేమ కార్యక్రమాలపై గ్రామ, మున్సిపల్‌ వార్డుల్లో విస్తృతంగా టీఎస్సెస్‌ కళాకారులు తమ ఆటాపాటల ద్వారా అవగాహన కల్పించడం ఈ కళాయాత్ర ప్రధాన లక్ష్యమన్నారు. విజయోత్సవ కళాయాత్రను విజయవంతం చేయాలని ఆయన కోరారు. కార్యక్రమంలో డీడబ్ల్యూవో కృష్ణవేణి, సాంస్కృతిక శాఖ కళాకారుల బృందం, జిల్లా పౌర సంబంధాల కార్యాలయ సిబ్బంది తదితరులు పాల్గొన్నారు.