TG : సిర్పుర్కర్‌ కమిషన్‌ నివేదికపై స్టే ఉంది
ABN , Publish Date - Sep 10 , 2024 | 03:31 AM
దిశ నిందితుల ఎన్‌కౌంటర్‌పై జస్టిస్‌ సిర్పుర్కర్‌ కమిషన్‌ ఇచ్చిన నివేదికను అమలు చేయకుండా సింగిల్‌ జడ్జి స్టే విధించారని రాష్ట్ర ప్రభుత్వం హైకోర్టుకు తెలిపింది.
హైదరాబాద్‌, సెప్టెంబరు 9 (ఆంధ్రజ్యోతి): దిశ నిందితుల ఎన్‌కౌంటర్‌పై జస్టిస్‌ సిర్పుర్కర్‌ కమిషన్‌ ఇచ్చిన నివేదికను అమలు చేయకుండా సింగిల్‌ జడ్జి స్టే విధించారని రాష్ట్ర ప్రభుత్వం హైకోర్టుకు తెలిపింది. ఎన్‌కౌంటర్‌లో పాల్గొన్న పోలీసులపై కఠిన చర్యలు తీసుకోరాదని పేర్కొంటూ మధ్యంతర ఆదేశాలు జారీచేసిందని పేర్కొంది. ఆ ఉత్తర్వులు ఇప్పటికీ అమల్లో ఉన్నాయని అడ్వకేట్‌ జనరల్‌ సుదర్శన్‌రెడ్డి డివిజన్‌ బెంచ్‌కు తెలియజేశారు. దిశ నిందితులను ఎన్‌కౌంటర్‌ చేసిన పోలీసులపై హత్య కేసు పెట్టాలని ప్రజాసంఘాలు దాఖలు చేసిన పిల్స్‌పై ధర్మాసనం సోమవారం విచారణ జరపగా.. ప్రభుత్వం ఈ మేరకు సమాచారం ఇచ్చింది.
