Hyderabad: కాంగ్రెస్‌లో కొనసాగుతున్న అభ్యర్థుల దరఖాస్తు ప్రక్రియ
ABN , First Publish Date - 2023-08-23T07:49:21+05:30 IST
హైదరాబాద్: తెలంగాణలో వచ్చే అసెంబ్లీ ఎన్నికల్లో కాంగ్రెస్ టిక్కెట్లు ఆశించే అభ్యర్థుల నుంచి దరఖాస్తుల ప్రక్రియ కొనసాగుతోంది. మంగళవారం 56 మంది దరఖాస్తు చేశారు.
హైదరాబాద్: తెలంగాణ (Telangana)లో వచ్చే అసెంబ్లీ ఎన్నికల్లో (Assembly Elections) కాంగ్రెస్ (Congress) టిక్కెట్లు ఆశించే అభ్యర్థుల నుంచి దరఖాస్తుల ప్రక్రియ కొనసాగుతోంది. మంగళవారం 56 మంది దరఖాస్తు చేశారు. సోమవారం మంచి రోజు కావడంతో ఆ రోజు 220 మంది దరఖాస్తులు చేశారు. కాగా ఇప్పటి వరకు మొత్తం 306 మంది దరఖాస్తులు చేసినట్లు గాంధీభవన్ వర్గాలు వెల్లడించాయి. బుధవారం భారీగా నేతలు దరఖాస్తు చేయనున్నారు. కాంగ్రెస్‌లో ముఖ్యమైన నేతలంతా ఈరోజు దరఖాస్తు చేసే అవకాశం ఉన్నట్లు తెలియవచ్చింది. ఈ నెల 25వ తేదీ వరకు దరఖాస్తుల ప్రక్రియ కొనసాగనుంది.
