CERTIFICATES: మహిళలు అన్ని రంగాల్లో రాణించాలి

పెనుకొండ రూరల్‌, అక్టోబరు 3: మహిళలు అన్నిరంగాల్లో రాణించిన ప్పుడే మహిళా సాధికారత సాధ్యమవుతుందని ఎంపీ బీకే పార్థసారథి, బీజేపీ జిల్లా అధ్యక్షుడు జీఎం శేఖర్‌ అన్నారు. గురువారం మండలంలోని షీప్‌ఫారం సమీపంలో త్రిపుర రిసార్ట్‌లో బీజేపీ సభ్యత్వ నమోదు సభ్యుడు డా.గోపీనాథ్‌ ఆధ్వర్యంలో మహిళలకు ఉచితంగా బ్యూటీషియన, పార్లర్‌మేనేజ్‌మెంట్‌ సర్టిఫికెట్లను అందజేశారు. సమావేశంలో బీకే మాట్లాడుతూ డా.గోపీనాథ్‌ చేస్తున్న సేవలు అభినందనీయమన్నారు. మహిళలు ఆర్థికంగా బలోపేతం కావడానికి బ్యూటీషియన కోర్సులు ఉపయోగపడతాయన్నారు. త్రిపుర రిసార్ట్‌ ఇటువంటి కార్యక్రమాలు నిర్వహించడం అభినందనీయమన్నారు. నిరుద్యోగ యువతులకు ఉపయోగపడే కోర్సులు తమ సొంత ఖర్చులతో కోచింగ్‌ ఇచ్చారని కొనియాడారు. అనంతరం 11 రోజులు శిక్షణ పూర్తి చేసుకున్న మహిళలకు సర్టిఫికెట్లు అందజేశారు.