Viral Video: ఆహా.. దర్జా అంటే ఇదీ.. కదులుతున్న లారీ వెనుక ఊయల కట్టుకుని ఎలా ఊగుతున్నాడో చూడండి..
ABN , Publish Date - Aug 31 , 2024 | 08:08 PM
సోషల్ మీడియా అందుబాటులోకి వచ్చాక రకరకాల వీడియోలు మన కళ్ల ముందుకు వస్తున్నాయి. వాటిల్లో కొన్ని ఫన్నీగా ఉంటూ, మరికొన్ని ఆసక్తికరంగా ఉంటూ చాలా మందిని ఆకట్టుకుంటున్నాయి. రీల్స్ ద్వారా వైరల్ అయ్యేందుకు చాలా మంది స్వంతంగా వీడియోలు తీసుకుని పోస్ట్ చేస్తుంటారు.
సోషల్ మీడియా అందుబాటులోకి వచ్చాక రకరకాల వీడియోలు మన కళ్ల ముందుకు వస్తున్నాయి. వాటిల్లో కొన్ని ఫన్నీగా ఉంటూ, మరికొన్ని ఆసక్తికరంగా ఉంటూ చాలా మందిని ఆకట్టుకుంటున్నాయి. రీల్స్ (Reels) ద్వారా వైరల్ అయ్యేందుకు చాలా మంది స్వంతంగా వీడియోలు తీసుకుని పోస్ట్ చేస్తుంటారు. మరికొందరు తమకు ఆసక్తికరంగా అనిపించిన ఘటనలను కెమెరాలో బంధించి వాటిని పోస్ట్ చేస్తుంటారు. ప్రస్తుతం అలాంటిదే ఓ వీడియో నెట్టింట హల్‌చల్ చేస్తోంది. పాకిస్తాన్‌ (Pakistan)లో ఈ వీడియోను చిత్రీకరించారు (Viral Video).
theoverseaspakistani అనే ఇన్‌స్టాగ్రామ్ హ్యాండిల్‌లో ఈ వీడియో షేర్ అయింది. వైరల్ అవుతున్న ఆ వీడియోలో ఓ వ్యక్తి కదులుతున్న ట్రక్ (Truck) వెనుకాల భాగంలో మంచం లాంటి ఊయలపై దర్జాగా కూర్చున్నాడు. మధ్య మధ్యలో స్నాక్స్ తింటూ ఫోన్ చూసుకుంటున్నాడు. బిజీ రోడ్డులో ఆహ్లాదకరంగా, దర్జాగా ఊయల ఊగుతూ ప్రయాణం చేస్తున్న అతడిని చుట్టు పక్కల వారు విచిత్రంగా చూశారు. ``మీరు పాకిస్తాన్‌లో ఉన్నప్పుడు ప్రపంచంలో సమస్యలు లేనట్లు అనిపిస్తుంది`` అంటూ ఆ వీడియోలో పేర్కొన్నారు. ఆ వీడియో సోషల్ మీడియాలో వైరల్‌గా మారింది.
ఈ వైరల్ వీడియోకు మిలియన్ల కొద్దీ వ్యూస్ వచ్చాయి. లక్ష మందికి పైగా ఈ వీడియోను లైక్ చేశారు. ఈ వీడియోపై నెటిజన్లు తమ స్పందనలను తెలియజేశారు. ``పాకిస్తాన్‌లో మాత్రమే ఇలాంటివి సాధ్యం``, ``పాకిస్తానీలు ఎక్కువ కష్టపడి తక్కువ సంపాదిస్తారు. అయినా సంతోషంగా ఉంటారు``, ``ప్రపంచంతో అతడికెలాంటి సంబంధమూ లేదు`` అంటూ నెటిజన్లు కామెంట్లు చేశారు.
ఇవి కూడా చదవండి..
Viral Video: కిడ్నాపర్‌‌ను వదిలిరానని బాలుడి ఏడుపు.. బలవంతంగా అమ్మ దగ్గరకు చేర్చిన పోలీసులు..
మరిన్ని ప్రత్యేక వార్తలు కోసం క్లిక్ చేయండి
