Viral Video: ఈ రోజుల్లో చాలా మంది ఫేమస్ అవ్వాలని చిత్ర విచిత్రాలు చేస్తుంటారు. సోషల్ మీడియా స్టార్ కావడానికి ప్రమాదకరమైన రిస్క్‌లు తీసుకుంటూ తమ ప్రాణాలను పణంగా పెడుతున్నారు. జలపాతం దగ్గర నిలబడి సెల్ఫీలు దిగడం, సముద్రం ఒడ్డున రీల్స్ చేయడం, ఫైర్‌తో డ్యాన్స్ చేయడం ఇలా ఏదో ఒక విధంగా పిక్చర్ రీల్స్‌ను తయారు చేసేందుకు ప్రయత్నిస్తారు. అయితే, ఇలా రీల్స్ కోసం పిచ్చి పిచ్చి విన్యాసాలు చేస్తూ ప్రాణాలు కోల్పోయిన వారు ఎందరో ఉన్నారు. ఈ క్రమంలోనే రీల్స్‌ చేయడానికి వెళ్తూ రైల్వే స్టేషన్‌ మెట్లపై నుంచి ఓ యువతి కిందపడిపోయిన ఘటన సోషల్ మీడియాలో వైరల్ అవుతోంది.

రీల్స్ పిచ్చి..

వైరల్‌గా మారిన ఈ వీడియోలో ఓ యువతి మెట్లపై నుండి కిందపడిపోయింది. ఆమె మెట్లపై నుంచి పడిపోవడంతో ఓ వృద్ధుడు ఆమెను రక్షించేందుకు ప్రయత్నించాడు. కానీ, వారు ఆమెను పట్టుకోలేకపోయారు. చివరకు కింద ఉన్న మరో వ్యక్తి యువతిని రక్షించాడు. వెంటనే ఆ యువతి సిగ్గుపడుతూ మొహం కప్పుకుని నవ్వుతూ కనిపించింది. షేర్ చేసిన కొన్ని గంటల్లోనే ఈ వీడియో వైరల్‌గా మారగా, వేలాది మంది వీక్షించారు. కొందరు సరదాగా కామెంట్స్ చేయగా, మరికొందరు యువతిపై విరుచుకుపడ్డారు. సోషల్ మీడియాలో ఫేమ్ రావాలని ఇలా చేస్తారా? పోయే కాలం అంటే ఇదేనంటూ ఆ యువతిపై హాట్ కామెంట్స్ చేశారు.

అజాగ్రత్త పనుల వల్ల..

@ManojSh28986262 అనే ట్విట్టర్ ఖాతాలో ఈ వీడియో షేర్ చేయబడింది . ఇలాంటి అజాగ్రత్త పనుల వల్ల ప్రజలు ప్రమాదాల బారిన పడుతున్నారు. 'ప్రజలు తాము చేసే పనుల వల్ల నిజంగా ఆపదలో ఉన్నవారికి సహాయం చేయడానికి వెనుకాడతారు' అని వీడియోకు క్యాప్షన్ ఇచ్చారు.

Also Read:

ఓ మై గాడ్.. బీచ్‌లో నరాలు తెగే ఉత్కంఠ.. రాకాసి అలలు ఏం చేశాయో చూస్తే ఒళ్లు జలదరించడం ఖాయం..