ముంబై: దక్షిణాఫ్రికాతో జరిగే నాలుగు మ్యాచ్‌ల టీ20 సిరీస్‌కు భారత మాజీ మిడిల్ ఆర్డర్ బ్యాటర్ వీవీఎస్ లక్ష్మణ్ టీమిండియా హెడ్ కోచ్ గా వ్యవహరించనున్నాడు. రెగ్యులర్ హెడ్ కోచ్ గౌతమ్ గంభీర్ బార్డర్ గవాస్కర్ ట్రోఫీ కోసం ఆస్ట్రేలియా వెళ్లనుండటంతో బీసీసీఐ తాజా నిర్ణయం తీసుకున్నట్టు తెలుస్తోంది. 2021 నుండి ఎన్సీఏలో భాగమైన లక్ష్మణ్, గతంలో కూడా అనేక సందర్భాల్లో ప్రధాన కోచ్‌గా పనిచేశాడు. 2022లో ఐర్లాండ్‌పై, జూలై 2024లో జింబాబ్వేపై జరిగిన మ్యాచుల్లోనూ భారత జట్టుకు లక్ష్మణ్ హెడ్ కోచ్ గా వ్యవహరించాడు. ఇటీవల దక్షిణాఫ్రికాతో జరిగే టీ20 సిరీస్ కోసం బీసీసీఐ15 మంది సభ్యులతో కూడిన భారత జట్టును ప్రకటించింది. సూర్యకుమార్ యాదవ్ దీనికి నాయకత్వం వహంచనున్నాడు. జట్టులో హార్దిక్ పాండ్యా, సంజు శాంసన్, రింకు సింగ్ కూడా ఉన్నారు.

హాట్రిక్ కానుందా?

సూర్యకుమార్ నాయకత్వంలో ఆడిన చివరి రెండు టీ20 సిరీస్‌లను భారత్ 3-0 తేడాతో గెలుచుకున్న సంగతి తెలిసిందే. ఇప్పుడీ కుడిచేతి వాటం బ్యాటర్ మరో హ్యాట్రిక్ సిరీస్ విజయాన్ని అందుకోవడానికి ఉవ్విళ్లూరుతున్నాడు. భారతదేశం చివరిగా డిసెంబర్ 2023లో సూర్యకుమార్ నాయకత్వంలో దక్షిణాఫ్రికాతో టీ20 సిరీస్‌లో ఆడింది. ఆ అసైన్‌మెంట్ స్థాయి నిబంధనలతో ముగిసింది. ఈ మ్యాచ్‌లో సూర్యకుమార్ యాదవ్ భారతదేశం తరపున సెంచరీ సాధించగా, కుల్దీప్ యాదవ్ ఐదు వికెట్లు తీసి అదరగొట్టాడు.

ఫైనల్ జట్టు..

భారత టీ20 జట్టు: సూర్యకుమార్ యాదవ్, అభిషేక్ శర్మ, సంజు శాంసన్, రింకు సింగ్, తిలక్ వర్మ, జితేష్ శర్మ, హార్దిక్ పాండ్యా, అక్షర్ పటేల్, రమణదీప్ సింగ్, వరుణ్ చక్రవర్తి, రవి బిష్ణోయ్, అర్ష్‌దీప్ సింగ్, విజయ్‌కుమార్ వైషాక్, అవేష్ ఖాన్, యశ్ దయాల్.

AB De Villiers: ఆ కాలంపోయింది.. కివీస్ చేతిలో భారత్ ఓటమిపై డివిలియర్స్ ఆసక్తికర వ్యాఖ్యలు