TSAT: గూప్‌-1 మెయిన్స్‌ కోసం టీ-శాట్‌ పాఠాలు
ABN , Publish Date - Aug 06 , 2024 | 04:53 AM
టీజీపీఎస్సీ గ్రూప్‌-1 మెయిన్స్‌ పరీక్ష రాసే అభ్యర్థులకు టీ-శాట్‌ ప్రత్యేక పాఠాలు ప్రసారం చేయనుందని ఆ సంస్థ సీఈవో బోదపల్లి వేణుగోపాల్‌ రెడ్డి తెలిపారు.
హైదరాబాద్‌ సిటీ, ఆగస్టు 5 (ఆంధ్రజ్యోతి): టీజీపీఎస్సీ గ్రూప్‌-1 మెయిన్స్‌ పరీక్ష రాసే అభ్యర్థులకు టీ-శాట్‌ ప్రత్యేక పాఠాలు ప్రసారం చేయనుందని ఆ సంస్థ సీఈవో బోదపల్లి వేణుగోపాల్‌ రెడ్డి తెలిపారు. టీ-శాట్‌.. మెయిన్స్‌ అభ్యర్థుల కోసం 750 ఎపిసోడ్లను సిద్ధం చేసిందని ఆయన వెల్లడించారు. పాఠ్యాంశాలు ఆగస్టు 6 నుంచి అక్టోబర్‌ 19 వరకు ప్రసారమయ్యే విధంగా షెడ్యూల్‌ విడుదల చేసినట్లు తెలిపారు.
అరగంట నిడివిగల పాఠ్యాంశాలు రోజుకు ఐదు గంటల చొప్పున 10 ఏపిసోడ్లు 75 రోజులపాటు టీ-శాట్‌ నెట్‌వర్క్‌ చానళ్లలో ప్రసారమవుతాయని చెప్పారు. టీ-శాట్‌ నిపుణ చానల్‌లో ప్రతిరోజు సాయంత్రం 5 గంటల నుంచి రాత్రి 10 గంటల వరకు తిరిగి మరుసటి రోజు ఉదయం 5 నుంచి 10 గంటల వరకు విద్యాచానల్‌లో ప్రసారం చేస్తామని తెలిపారు.
