PM Modi Speech: ఈ ఎన్నికల్లో కేసీఆర్‌కు ప్రజలు పూర్తి సినిమా చూపిస్తారు: మోదీ

పీవీ నరసింహరావుని కాంగ్రెస్ పార్టీ ప్రతి అడుగులో అవమానించిందని హస్తం పార్టీపై ప్రధాని నరేంద్ర మోదీ విరుచుకుపడ్డారు.

• తెలంగాణకు బీఆర్‌ఎస్‌, కాంగ్రెస్‌ సర్కార్లు అవసరం లేదు

• గ్యారెంటీలను నెరవేర్చే మోదీ సర్కార్‌ అవసరం

• మోదీ గ్యారెంటీ అంటే అందరికీ ఉచిత వైద్యం

• మోదీ గ్యారెంటీ అంటే అందరికీ ఆరోగ్యం

• మోదీ గ్యారెంటీ అంటే రైతులకు చేయూత

• ప్రజా సంక్షేమమే బీజేపీ ప్రాధాన్యత

• ఓ వైపు కేసీఆర్‌ ఉన్నారు.. మరో వైపు మీ సేవకుడు మోదీ ఉన్నాడు

PM Modi Speech Live Updates: కరీంనగర్‌లో బీజేపీ సకలజనుల విజయ సంకల్ప సభలో ప్రధానమంత్రి నరేంద్ర మోదీ పాల్గొన్నారు. తెలంగాణలో బీజేపీ ప్రభుత్వం రాబోతోందని ఆయన ఆశాభావం వ్యక్తం చేశారు. ప్రజాస్వామ్యానికి భారత్‌ దేశం పుట్టిల్లు అని ఈ సందర్భంగా ఆయన అన్నారు.

‘‘ ప్రస్తుత ఎన్నికల్లో బీఆర్‌ఎస్‌ ఆట ముగియనుంది. మొదటిసారి తెలంగాణలో బీజేపీ ప్రభుత్వం రాబోతోంది. తెలంగాణ బీజేపీ తొలి సీఎం బీసీయే అవుతారు. చరిత్రలో 16 మహాజనపదాల్లో అస్మక జనపదం ఈ ప్రాంతం. హుజూరాబాద్‌ ఉపఎన్నికతో కేసీఆర్‌కు ట్రైలర్‌ చూపించాం. ఈ ఎన్నికల్లో కేసీఆర్‌కు ప్రజలు పూర్తి సినిమా చూపిస్తారు’’ అని ప్రధాని మోదీ అన్నారు.