Yerragondapalem: ప్రకాశం జిల్లాలో వింత ఘటన.. ఫొటో చూసి మీరైనా చెప్పండి.. ఇదేంటో..!

వేణుగోపాలస్వామి ఆలయంలోకి అరుదైన పక్షి

రెండ్రోజుల కిందట రాక

ఎర్రగొండపాలెం: ఎర్రగొండపాలెం (Yerragondapalem) సమీపంలో ఉన్న పురాతన మిల్లంపల్లి వేణుగోపాలస్వామి ఆలయంలో (Millampalli Venu Gopala Swamy Temple) రెండు రోజులు క్రితం అరుదైన పక్షి వచ్చి కదలలేని స్థితిలో పడి ఉంది. రెండు రోజుల క్రితం ఆలయం ప్రాంగణంలోకి వచ్చిన ఆ పక్షిని ఆలయ పూజారి, భక్తులు చూసి దాని పేరు తెలియక ఆలోచనలో పడ్డారు. అది గరుడ పక్షి అయిఉంటుందని ఆలయ పూజారి అభిప్రాయం తెలిపారు. దేవాలయానికి వచ్చిన కొందరు ఆ పక్షిని చూసి గుడ్లగూబ అని అంటున్నారు.

ఫారెస్టు అధికారులు కూడా ఆ పక్షి పేరును స్పష్టంగా చెప్పడం లేదు. బుధవారం ఫారెస్ట్‌ ఉద్యోగులు ఆలయానికి వెళ్లేసరికి ఆ పక్షి బయటికి వెళ్లిపోయింది. మరలా వస్తే తెలియజేస్తామని పూజారి చెప్పిట్లు డిప్యూటీ రేంజర్‌ శ్రీనివాసులు తెలిపారు.