Buddha Venkanna : టీడీఆర్‌ బాండ్ల కుంభకోణంలో జగన్‌ను అరెస్టు చేయాలి
ABN , Publish Date - Jul 08 , 2024 | 03:14 AM
టీడీఆర్‌ కుంభకోణంలో మాజీ సీఎం జగనే సూత్రధారి అని, ఆయన్ను నిందితుడిగా పరిగణించి అరెస్టు చేయాలని టీడీపీ రాష్ట్ర ప్రధాన కార్యదర్శి బుద్దా వెంకన్న డిమాండ్‌ చేశారు.
టీడీపీ రాష్ట్ర ప్రధాన కార్యదర్శి బుద్దా వెంకన్న డిమాండ్‌
విజయవాడ (వన్‌టౌన్‌), జూలై 7: టీడీఆర్‌ కుంభకోణంలో మాజీ సీఎం జగనే సూత్రధారి అని, ఆయన్ను నిందితుడిగా పరిగణించి అరెస్టు చేయాలని టీడీపీ రాష్ట్ర ప్రధాన కార్యదర్శి బుద్దా వెంకన్న డిమాండ్‌ చేశారు. ఆదివారం ఆయన ఇక్కడి విలేకరులతో మాట్లాడారు. మాజీమంత్రి కారుమూరి నాగేశ్వరరావు ఆధ్వర్యంలో ఈ భారీ దోపిడీ జరిగిందని, తిరుపతిలో భూమన కరుణాకరరెడ్డి సారథ్యంలో మరో భారీ దోపిడీ జరిగిందని ఆరోపించారు. రాష్ట్రవ్యాప్తంగా మురికివాడల్లో రోడ్ల పేరిట భారీ మొత్తంలో దోచేశారన్నారు.
