Breaking News: నేటి తాజా వార్తలు..

మంత్రి నారా లోకేష్ ఓపెన్ ఆఫర్

• అమరావతి: రాష్ట్రంలో పెట్టుబడులపై ఐటీ శాఖ మంత్రి నారా లోకేష్ ఆసక్తికర ట్వీట్

• కర్ణాటక ప్రభుత్వం తీసుకొచ్చిన స్థానికులకు ఉద్యోగాల చట్టాన్ని ఉద్దేశించి ట్వీట్

• ఆ చట్టంపై ఇన్వెస్టర్లు, వ్యాపారులు, నాస్కాం తదితర సంస్థల నుంచి అభ్యంతరాలు

• నాస్కాం ట్వీట్ రీ ట్వీట్ చేస్తూ ఏపీలో పెట్టుబడులపై లోకేష్ ట్వీట్

• ఇన్వెస్టర్ల ఆవేదన, అభ్యంతరాలు అర్థం చేసుకున్నా, ఏపీలో ఎలాంటి ఆంక్షలు, ఇబ్బందులు ఉండవని ఓపెన్ ఆఫర్

• ఐటీ, ఐటీ ఆధారిత సేవలు, డాటా సెంటర్స్, ఆర్టిఫిషీయల్ ఇంటెలిజెన్స్ రంగాల్లో పెట్టుబడులు పెట్టాలంటూ ఆహ్వానం

• ఏపీ ప్రభుత్వం నుంచి పూర్తి సహకారం ఉంటుందని ప్రకటన

• ఉత్తమ పాలసీలు, మౌలిక సదుపాయాలు, నిరంతర విద్యుత్‌తో పెట్టుబడులకు అనుకూలం వాతావరణం కల్పిస్తాం

• నిపుణులైన యువత, మానవ వనరులు ఏపీలో ఉన్నాయి.

నరసాపురం ఎంపీడీవో ఆత్మహత్య?

• నరసాపురం ఎంపీడీవో అదృశ్యం కేసులో పోలీసుల దర్యాప్తు వేగవంతం.

• ఏలూరు కాల్వలోకి వెంకటరమణ దూకినట్లు భావిస్తున్న పోలీసులు.

• ఎంపీడీవో వెంకటరమణ మొబైల్ సిగ్నల్ ట్రాక్ చేసిన పోలీసులు.

• విజయవాడ మధురానగర్ ఏలూరు కాల్వ వద్ద సిగ్నల్ కట్ అయినట్టు ఇప్పటికే గుర్తింపు.

• సూసైడ్ చేసుకుంటున్నట్లు కుటుంబ సభ్యులకు వాట్సాప్‍‌లో నోట్ పంపిన వెంకటరమణ.

• మాజీ విప్ ప్రసాదరాజు ఇబ్బంది పెడుతున్నారని వాట్సాప్ నోట్‍‌లో వెంకటరమణ వెల్లడి.

• బోటింగ్ కాంట్రాక్టర్‍‌ను బకాయి చెల్లించాలని అడిగితే బెదిరిస్తున్నారని సూసైడ్ నోట్.

• విజయవాడలోని ఏలూరు కాల్వలో గాలింపు చర్యలు చేపట్టిన పోలీసులు.

• కుటుంబ సభ్యుల ద్వారా బయటకు వచ్చిన లేఖ.

• నిందితులు రూ.55 లక్షలు ఫెర్రీ లీజు బకాయిలు ఉన్నారు.

• గత చీఫ్ విప్ ప్రసాదరాజు అండదండలతోనే నిందితులు డబ్బులు చెల్లించలేదు.

• గత మూడున్నర నెలల నుంచి నిందితులు ఇబ్బంది పెడుతున్నారు.

• నేను ఏ తప్పు చేయకపోయినా మానసిక క్షోభ అనుభవిస్తున్నా.

• బకాయిలు రికవరీ చేయకపోవడం వల్ల నన్ను బాధ్యుడిని చేసే అవకాశం ఉంది.

• నాకు ఉద్యోగమే జీవనాధారం.

• నిందితులు బకాయి డబ్బు చెల్లించేలా చూసి నాకు న్యాయం చేయండి అంటూ లెటర్‌లో కోరిన నరసాపురం ఎంపీడీవో.

రెచ్చిపోయిన వైసీపీ గుండాలు..

• కృష్ణాజిల్లా మోపిదేవి మండలంలో రెచ్చిపోయిన వైసీపీ గుండాలు.

• మోపిదేవి మండల తెలుగుదేశం పార్టీ నేత, కో ఆప్షన్ సభ్యుడు చందన రంగారావుపై హత్యాయత్నం.

• అవనిగడ్డ నుంచి స్వగ్రామానికి వెళుతున్న క్రమంలో కరకట్టపై దారి కాసి గొడ్డలితో దాడికి పాల్పడిన దుండగులు.

• వైసీపీకి చెందిన మత్తి రాంప్రసాద్, అతని కుమారుడు శ్రీనివాసరావులు దాడికి పాల్పడ్డాడు అంటున్న చందన రంగారావు.

• కరకట్టపై పడి ఉన్న రంగారావును అవనిగడ్డ ప్రభుత్వ ఆసుపత్రికి తరలించిన స్థానికులు.

• శ్రీనివాసరావు తలకు, కాలిపై తీవ్ర గాయాలు.

• పోలీసుల వైఫల్యం కారణంగానే వైసీపీ గుండాలు రెచ్చిపోతున్నారని ఆరోపిస్తున్న తెలుగుదేశం నేతలు కొల్లూరి వెంకటేశ్వరరావు, రావి రత్నగిరి.

రాజకీయ ప్రతీకార, కక్ష సాధింపులకు ఓ పరిమితి ఉంటుంది: కేటీఆర్

• రాజకీయ ప్రతీకార, కక్ష సాధింపులకు ఓ పరిమితి ఉంటుంది.

• కేసీఆర్‌ని బద్నాం చేయాలన్న ప్రయత్నాలకు సుప్రీంకోర్టు చెంపపెట్టు లాంటి తీర్పునిచ్చింది.

• దుష్ర్పచారాలు చేస్తున్న కాంగ్రెస్‌కు ప్రజాక్షేత్రంలోనూ సరైన గుణపాఠం ఖాయం

• కాంగ్రెస్ పార్టీ అధికారంలోకి వచ్చిన నాటి నుంచి పాలన గాలికి వదిలేసి రాజకీయ కక్షలపైనే ఎక్కువ దృష్టి పెట్టింది.

• పరిమితులను దాటి కాంగ్రెస్ కేసీఆర్ మీద దుష్ప్రచారాలకు పూనుకుంది.

• ఇలాంటి ప్రయత్నాలు ఎక్కువ కాలం నిలబడవని సుప్రీంకోర్టు తాజాగా ఇచ్చిన తీర్పు స్పష్టం చేసింది.

• విద్యుత్ కొనుగోళ్లకు సంబంధించి కేసీఆర్‌ని బద్నాం చేసేందుకు ప్రభుత్వం చేసిన ప్రయత్నాన్ని సుప్రీం తప్పు బట్టింది.

• కాంగ్రెస్ అధికార దుర్వినియోగంపై సుప్రీంకోర్టు చెంపపెట్టు లాంటి తీర్పు ఇచ్చింది.

• ఇప్పటికైనా బుద్ది తెచ్చుకొని ఇలాంటి ప్రతీకార రాజకీయాలకు స్వస్తి పలికి ప్రజా సమస్యలపై దృష్టి పెట్టాలి.

ఎంపీడీఓ అదృశ్యం.. ఎమ్మెల్యే ఆందోళన..

• ప.గో. జిల్లా: నరసాపురం ఎంపీడీఓ వెంకటరమణారావు అదృశ్యంపై ఆందోళన వ్యక్తం చేసిన ఎమ్మెల్యే బొమ్మిడి నాయకర్.

• నరసాపురం మాదవాయిపాలెం రేవుపాట వ్యవహారమే కారణం.

• ఎంపీడీఓ క్షేమంగా ఉండాలని కోరుకుంతున్నాం.

• అవాంచనీయ సంఘటనలు జరిగితే రేవు పాటదారుడు చినరెడ్డప్ప ధవేజీ, మాజీ ఎమ్మెల్యే ముదునూరి ప్రసాదరాజు, జేఏసి సభ్యులు పై చట్టపరమైన చర్యలు తీసుకుంటాం.

• ఎంపీడీఓ కుటుంబానికి అండగా ఉంటాం.

• సమస్య ను సీఎం చంద్రబాబు దృష్టికి తీసుకు వెళ్తాను.

• జనసేన పార్టీ కార్యాలయంలో నిర్వహించిన విలేకరుల సమావేశంలో మాట్లాడిన ఎమ్మెల్యే బొమ్మిడి నాయకర్.

సుప్రీంకోర్టు తీర్పుతో నరసింహారెడ్డి ఫ్రస్టేషన్‌లో ఉన్నారు..

• విద్యుత్ విచారణ కమిషన్ చైర్మన్‌గా నరసింహారెడ్డిని సుప్రీంకోర్టు తప్పించడాన్ని స్వాగతిస్తున్నాం: బీఆర్ఎస్ నేత మన్నె క్రిశాంక్

• సుప్రీంకోర్టు తీర్పుతో నరసింహారెడ్డి ఫ్రస్టేషన్‌లో ఉన్నారు.

• విచారణ కమిషన్లు రాజకీయ బూటకపు కమిషన్లు.

• అసదుద్దీన్ ఓవైసీకి కేసీఆర్ జవాబుదారీ కాదు.

• అసదుద్దీన్ వ్యాఖ్యలను సీరియన్‌గా తీసుకోవద్దు.

• మేం బీజేపీతో ములాఖత్ అయితే కవిత జైలుకు ఎందుకు వెళ్తారు?

• కవిత అరెస్టును ఇండియా కూటమిలో ప్రాంతీయ పార్టీలు ఖండించాయి.

ముగిసిన ఏపీ సీఎం చంద్రబాబు ఢిల్లీ పర్యటన.

• నిన్న రాత్రి కేంద్ర హోంమంత్రి అమిత్ షాతో చర్చ.

• ఈ ఉదయం సీఎం అధికారిక నివాసం(1, జన్‌పథ్)లో పూజలు.

• అనంతరం విజయవాడ తిరుగుప్రయాణమైన బాబు.

• ఏపీ ఆర్థిక పరిస్థితి గురించి అమిత్ షాకు వివరించిన సీఎం.

• గత ఐదేళ్లలో రాష్ట్రం ఆర్థిక విధ్వంసానికి గురైందని వెల్లడి.

• అస్తవ్యస్థ నిర్వహణ, అవినీతి కారణంగా ఆర్థిక వ్యవస్థ గాడితప్పిందన్న బాబు.

• ప్రజలు ఏపీలో ఎన్డీఏకు అనుకూలంగా తీర్పునిచ్చారని, కేంద్ర, రాష్ట్ర ప్రభుత్వాలు కలిసి రాష్ట్రాన్ని గాడిలో పెడతామని ట్వీట్.

• పర్యటనలో సీఎంతో పాటు రాష్ట్ర ఆర్థిక మంత్రి పయ్యావుల కేశవ్, కేంద్ర మంత్రులు కే. రామ్మోహన్ నాయుడు, పెమ్మసాని చంద్రశేఖర్, ఎంపీలు లావు శ్రీకృష్ణ దేవరాయలు, కేశినేని చిన్ని తదితరులు.

• 1, జన్‌పథ్ నివాసంలో చంద్రబాబును కలిసిన బీజేపీ ఎంపీ సీఎం రమేశ్.

• పర్యటన ముగించుకుని విజయవాడ బయల్దేరిన సీఎం.

షరతులు లేకుండా రుణమాఫీ చేయాలి: నిరంజన్ రెడ్డి

• షరతులు లేకుండా రుణమాఫీ చేయాలని మాజీ మంత్రి సింగిరెడ్డి నిరంజన్ రెడ్డి డిమాండ్ చేశారు.

• రైతుల సంఖ్యను కుదించేందుకే రుణమాఫీ మార్గదర్శకాలు.

• లోపభూయిష్టంగా రుణమాఫీపై ప్రభుత్వ ఉత్తర్వులు.

• 11 లక్షల మంది రైతులకు రుణమాఫీ చేస్తాం అంటున్నారు.

• మిగిలిన 49 లక్షల మంది రైతుల పరిస్థితి ఏంటి..?

• రైతుల గుర్తింపునకే రేషన్ కార్డు అంటున్నారు.

• మరి రేషన్ కార్డులేని రైతుల పరిస్థితి ఏంటి..?

• కనీసం ఐదెకరాల వరకు ఉన్న రైతులకన్నా రైతుభరోసా ఇవ్వండి.

• రుణమాఫీకి పట్టదారు పాస్ బుక్కును ప్రామాణికంగా తీసుకుంటే రైతుభరోసాకు కూడా దానినే ప్రామాణికంగా తీసుకుని ఇవ్వాలి.

• రైతుభరోసా ఎగ్గొట్టి రుణమాఫీకి నిధులు మళ్లిస్తున్నారు.

అమరావతి, పోలవరం పూర్తి చేయాలి: సీపీఐ రామకృష్ణ

• గుంటూరు: భూ హక్కు చట్టం రద్దును స్వాగతిస్తున్నాం: సీపీఐ రాష్ట్ర కార్యదర్శి కె. రామకృష్ణ

• గత ప్రభుత్వం మొండి వైఖరితో చట్టాన్ని తెచ్చింది.

• ఉచిత ఇసుక వల్ల స్థానిక నాయకులు, మంత్రులు జ్యోక్యం చేసుకుని చెడ్డ పేరు తెచుకోవద్దు.

• వైజాగ్ భీమిలిలో ఎర్రమట్టి దిబ్బల కాపాడేందుకు చర్యలు తీసుకోవాలి.

• వైసీపీ పాలనలో 1.75 లక్షల భూములు అన్యాక్రాంతం అయ్యాయి.

• కేంద్రం బడ్జెట్ ప్రవేశపెట్టనున్న నేపథ్యంలో సీఎం చంద్రబాబు ఢిల్లీ ప్రయాణం మంచిదే.

• జగన్ పాలనలో రాష్ట్రం అధోగతి పాలైంది.

• రాష్ట్రాన్ని ఆర్థిక అధోగతిని నుంచి బయటపడేయాలి.

• రాష్ట్రానికి ప్రత్యేక హోదా కోసం సీఎం కేంద్రంపై ఒత్తిడి చెయ్యాలి.

• బీహార్ సీఎం ప్రత్యేక హోదా కోరుతున్నారు.

• విభజన హామీ అమలు, ప్రత్యేక హోదా అమలు కావాల్సిన అవసరం ఉంది.

• నిధులు లేకుంటే రాష్ట్రంలో ప్రాజెక్ట్‌లు, రోడ్లు ఎలా కడతారు.

• పోలవరంలో అవకతవకలు జరిగితే సరిదిద్ధి ప్రాజెక్ట్ పూర్తి చేయండి.

• కేంద్ర, రాష్ట్ర ప్రభుత్వాలపై ఒత్తిడి తెచ్చి నిర్వాసితులకు న్యాయం జరిగేలా చేస్తాం.

• అమరావతితో పాటు పోలవరం కూడా పూర్తి చెయ్యాలి.

సర్దార్ 2 సీక్వెల్ షూటింగ్‌లో ప్రమాదం

చెన్నై: సర్దార్ సినిమాలో ఓ యాక్షన్ సీన్ చిత్రీకరణ సమయంలో స్టంట్ మ్యాన్ ఎళుమలై 20 అడుగుల ఎత్తు నుంచి కిందపడి ప్రాణాలు కోల్పోయాడు. విరుగంబాక్కం పోలీసులు ప్రస్తుతం ఈ ఘటనపై దర్యాప్తు చేస్తున్నారు. స్టంట్ సమయంలో భద్రతా లేకపోవడంపై ఆందోళన వ్యక్తం చేశారు.

నాగార్జున సాగర్ కుడికాలువకు నీటి విడుదల

• పల్నాడు: నాగార్జున సాగర్ కుడికాలువకు నీటి విడుదల.

• త్రాగునీటి అవసరాల కోసం 2 వేల క్యూసెక్కుల నీరు విడుదల.

• 5,7 గేట్లు ద్వారా కుడి కాలువ కు నీటి విడుదల చేసిన ఇరిగేషన్ ఈఈ శ్రీహరి.

• రోజుకు 5,500 క్యూసెక్కుల చొప్పున 9 రోజుల పాటు 4.5 టీఎంసీల నీటిని కుడి కాలువ ద్వారా విడుదల.

• పల్నాడు, గుంటూరు, బాపట్ల, ప్రకాశం జిల్లాల తాగునీటి అవసరాలకు ఈ నీటిని వాడుకోవాలని విజ్ఞప్తి.

జగన్‌పై కేంద్ర మాజీ మంత్రి చింతా మోహన్ కీలక వ్యాఖ్యలు

• విశాఖ: మళ్లీ అధికారంలోకి రావాలనే జగన్ కల కలగానే ఉండిపోతుంది.

• వచ్చే ఆరు నెలల్లో జగన్ ఎక్కడ ఉంటారో.. ఆయనకే తెలియదు.

• జగన్ తన ఐదేళ్ల పాలనలో రాష్ట్రాన్ని అధోగతి పాలు చేశారు.

• ఒక్క స్కూలు కూడా కట్టలేదు.

• ప్రజలకి జగన్‌కి మధ్య గ్యాప్ ఎక్కువ ఉండటం వల్ల వైసీపీ ఘోరంగా ఓడిపోయింది.

• ఒక్క ఛాన్స్ అనడంతోనే 2019లో గెలిపించారు.

• ఇక జగన్‌కి మళ్లీ చాన్స్ ఇవ్వకూడదు అనుకున్నారు.

• కర్ణాటకలో ఆస్తులు ఉన్నాయి కాబట్టే.. అక్కడ కాంగ్రెస్ పార్టీ నేతలతో జగన్ సమావేశం అయ్యారేమో?

• కాంగ్రెస్‌లో వైసీపీ విలీనం అవసరం లేదు.

• ఆ పార్టీ నేతలు మంచి వారు వస్తే స్వాగతిస్తాం.

• వచ్చే ఎన్నికల్లో కేంద్రంలోని రాష్ట్రంలోనూ కాంగ్రెస్ పార్టీ అధికారంలోకి వస్తుంది.

రాయదుర్గం పోలీసులను ఆశ్రయించిన సంద్య శ్రీధర్ రావు

• సంద్య కన్‌స్ట్రక్షన్‌లో మార్కెటింగ్ ఎగ్జిక్యూటివ్‌గా పనిచేస్తున్న కొమ్మారెడ్డి ఠాగూర్, మలికిరెడ్డి విష్ణు వర్ధన్ రెడ్డి కలిసి తనను మోసం చేశారంటూ రాయదుర్గం పోలీస్ స్టేషన్‌లో ఫిర్యాదు చేసిన సంద్య శ్రీధర్ రావు.

• రాయదుర్గంలో ఉన్న సంద్య టెక్నో 1 కమర్షియల్ భవనంలో 2021 లో ఒక అంతస్తు కొనుగోలు చేసిన మాలికి రెడ్డి విష్ణువర్ధన్ రెడ్డి.

• ఇప్పుడు మొత్తం భవనం కొన్నట్టు తప్పుడు పత్రాలు సృష్టించారన్న సంద్య శ్రీధర్ రావు.

• తన కంపెనీలో మార్కెటింగ్ ఎగ్జిక్యూటివ్‌గా పనిచేస్తున్న కొమ్మారెడ్డి ఠాగూర్.. విష్ణు వర్ధన్ రెడ్డితో చేతులు కలిపి తనను మోసం చేశారంటూ ఫిర్యాదులో పేర్కొన్న సంద్య శ్రీధర్ రావు.

• కొమ్మారెడ్డి ఠాగూర్, మాలికి రెడ్డి విష్ణు వర్ధన్ రెడ్డి, మాలికి రెడ్డి వీరభద్ర రెడ్డి, CA దాట్ల రామరాజు, హరీష్, గణేష్, ఈశ్వర్, వెంకట్‌లపై కేసులు నమోదు చేసిన రాయదుర్గం పోలీసులు.

• కేసు నమోదు చేసి దర్యాప్తు చేస్తున్న రాయదుర్గం పోలీసులు.

పొలాల్లో ఇరువర్గాలు ఘర్షణ

• కడప: బద్వేల్ గోపవరం మండలం మడకలవారిపల్లి గ్రామ పొలాల్లో ఇరువర్గాలు ఘర్షణ.

• రెండు వర్గాలు పరస్పరం రాళ్ల దాడులు.

• సర్వేనెంబర్ 1622, 1623 నెంబర్లలో గతంలో గుడిసెల నిర్మా ణం చేపట్టిన రైతు సంఘనాయ కులు.

• శ్రీనివాసపురం వాసులకు ప్రభుత్వం పట్టాలు మంజూరు చేసిందని పట్టాదారుల వాదన.

• నిన్న అర్ధరాత్రి గుడిసెలకు నిప్పంటించిన గుర్తు తెలియని వ్యక్తులు.

• ఈ రోజు శ్రీనివాసపురం గ్రామస్తులకు, రైతు సంఘం నాయకులకు మధ్య తీవ్రఘర్షణ.

• రంగ ప్రవేశం చేసిన పోలీసులు.

• ఇరువర్గాలను అదుపులోకి తీసుకొని పోలీస్ స్టేషన్‌కు తరలింపు.

జూబ్లీహిల్స్‌ పోలీసుల కస్టడీకి రాధాకిషన్‌రావు

• హైదరాబాద్‌: జూబ్లీహిల్స్‌ పోలీసుల కస్టడీకి రాధాకిషన్‌రావు.

• రెండు రోజుల కస్టడీకి అనుమతించిన నాంపల్లికోర్టు.

• ఫోన్ ట్యాపింగ్‌ కేసులో చంచల్‌గూడ జైల్లో ఉన్న రాధాకిషన్‌రావు.

• టాస్క్‌ఫోర్స్‌ మాజీ డీసీపీ రాధాకిషన్‌రావుపై జూబ్లీహిల్స్​పీఎస్‌లో మరో కేసు.

• నాంపల్లి కోర్టులో పీటీ వారెంట్‌పై రిమాండ్ చేసిన పోలీసులు.

• యజమానిని కిడ్నాప్‌ చేసి క్రియా హెల్త్‌ కేర్‌ సంస్థలో కోట్ల విలువైన షేర్లను.

• నలుగురు డైరెక్టర్ల మీదకు బలవంతంగా బదిలీ చేయించారని ఫిర్యాదు.

• సంస్థ వ్యవస్థాపకుడు చెన్నుపాటి వేణుమాధవ్‌ ఫిర్యాదుతో కేసునమోదు.

• రాధాకిషన్‌రావుతో పాటు మరో ఇద్దరు ఇన్‌స్పెక్టర్లు సహా.. చంద్రశేఖర్‌, కృష్ణ, గోపాల్, రాజ్, రవి, బాలాజీలపై కేసు నమోదు.

• పరారీలో ఉన్న నిందితుల కోసం లుక్ అవుట్ నోటీస్ జారీ చేసిన పోలీసులు.

ఖైరతాబాద్ గణేష్ ఉత్సవ ఏర్పాట్లలో గందరగోళం

• హైదరాబాద్: ఖైరతాబాద్ గణేష్ ఉత్సవ ఏర్పాట్లలో గందరగోళం.

• 70 ఏళ్ల ఖైరతాబాద్ గణేశ్ చరిత్రలో తొలిసారిగా అవాంతరాలు.

• ముందుకు సాగని ఖైరతాబాద్ గణేష్ విగ్రహ తయారీ పనులు.

• ఏటా వందరోజుల ముందు నుంచే ఖైరతాబాద్ గణేష్ విగ్రహ తయారీ.

• రెండు వర్గాలుగా విడిపోయిన ఉత్సవ కమిటీ.

• వర్గపోరుతో పాత కమిటీ, కొత్త కమిటీ మధ్య కొరవడిన సమన్వయం.

• 36రోజుల పాటు నిలిచిపోయిన విగ్రహ పనులు.

• సమాచారం ఇవ్వకుండానే కార్యక్రమాలు నిర్వహిస్తున్నారని కొత్త కమిటీపై ఉత్సవ ప్రెసిడెంట్ రాజ్‌కుమార్‌ ఆరోపణలు.

• కమిటీ ఛైర్మన్‌ సుదర్శన్ తర్వాత గతేడాది ఖైరతాబాద్ గణేష్ ఉత్సవాలు నిర్వహించిన సుదర్శన్ కుమారుడు రాజ్‌కుమార్‌.

• ఈసారి ఖైరతాబాద్ గణేష్ ఉత్సవాలను సింగారి కుటుంబం కాకుండా తామే నిర్వహిస్తామంటున్న స్థానికులు.

ప్రారంభమైన రొట్టెల పండుగ..

• నెల్లూరు బారా షహీద్ దర్గా దగ్గర వద్ద ప్రారంభమైన రొట్టెల పండుగ.

• దేశం నలుమూలల నుంచి లక్షల సంఖ్యలో తరలివస్తున్న భక్తులు.

• స్వర్ణాల చెరువు వద్ద రొట్టెలు ఇచ్చిపుచ్చుకుంటున్న భక్తులు.

• రొట్టెల పండుగని ప్రతిష్టాత్మకంగా నిర్వహిస్తున్న రాష్ట్ర ప్రభుత్వం.

• 2వేల మంది పోలీసులతో బందోబస్తు.

• రొట్టెల పండుగకి భారీ ఏర్పాట్లు.

• స్వయంగా పర్యవేక్షిస్తున్న మంత్రి నారాయణ, ఎమ్మెల్యే కోటంరెడ్డి శ్రీధర్ రెడ్డి.

• ఇవాళ రాత్రి గంధమహోత్సవానికి ఏర్పాట్లు.

రేపు మరో శ్వేతపత్రం విడుదల

• అమరావతి: రేపు మరో శ్వేతపత్రం విడుదల

• రాష్ట్రంలో శాంతి భద్రతల అంశంపై శ్వేతపత్రం

• రేపు మధ్యాహ్నం 3 గంటలకు సచివాలయంలో విడుదల చేయనున్న సీఎం చంద్రబాబు

లోకేశ్ కేసులపై రీ ఇన్వెస్టిగేషన్..!

• ప.గో: భీమవరంలో నారా లోకేష్ యువగళం పాదయాత్రలో కేసులపై రీ ఇన్వెస్టిగేషన్..!

• ఏ విధంగా కేసు ఇన్వెస్టిగేషన్ చేశారనే అంశం పరిశీలిస్తాం: జిల్లా ఎస్పీ అద్నాన్ నయీం అస్మి

• రెండు రోజుల్లో అవసరమైన కేసులను పరిశీలిస్తాం..రౌడీ షీట్స్‌పై ప్రత్యేక దృష్టిసారిస్తాం.

• గల్ఫ్ బాధితులు గురించి కలెక్టర్‌తో మాట్లాడాం, నకిలీ ఏజెంట్స్‌పై చర్యలు తీసుకుంటాం.

• గల్ఫ్ దేశాల్లో ఇబ్బందులు పడుతున్న వారికి సహకారం అందిస్తాం.