Deve Gowda: అయోధ్యకు వెళ్లేందుకు ప్రయత్నిస్తా..

బెంగళూరు, (ఆంధ్రజ్యోతి): అయోధ్యకు వెళ్లాలని ఆసక్తిగా ఉందని, ప్రయత్నిస్తానని మాజీ ప్రధాని దేవెగౌడ(Former Prime Minister Deve Gowda) తెలిపారు. తుమకూరు జిల్లా కుణిగల్‌ తాలూకా హంగరహళ్ళి విద్యాచౌడేశ్వరీ మఠంలో గురువారం దేవెగౌడ మీడియాతో మాట్లాడుతూ ఆరోగ్యపరంగా వెళ్లే విషయమై ఆలోచిస్తున్నట్లు తెలిపారు. రెండు మోకాళ్లు సక్రమంగా లేవన్నారు. అయినా సుదీర్ఘకాలం పాటు దండ నమస్కారాలు చేశానన్నారు. ఇక్కడ మఠంలో జరిగిన హోమం పవిత్ర మైనదన్నారు. కుమారస్వామి తొలుత వచ్చి వెళ్లారన్నారు. కుమారుడు కుమారస్వామి సూచనల మేరకే ఇక్కడి పూజల్లో పాల్గొంటున్నట్లు తెలిపారు. అయోధ్యలో రామమందిర ప్రతిష్ఠాపనకు వెళ్లాలనేది అందరికీ ఇష్టమే అన్నారు. తాను రాజకీయంగా మాట్లాడటం లేదన్నారు. ఆరోగ్యపరంగా ఆలోచిస్తున్నట్లు తెలిపారు. ఒకటి రెండురోజులలోనే నిర్ణయం తీసుకుంటానన్నారు.