Viral Video:: గాయపడ్డ తండ్రిని చూడగానే.. చిన్నారి చేసిన పనికి ఫిదా అవుతున్న నెటిజన్లు..
ABN , First Publish Date - 2023-04-28T18:47:07+05:30 IST
చాలా మంది చిన్న పిల్లలకు ఆటలే లోకం. చుట్టూ ఉన్న ప్రపంచాన్ని మర్చిపోయి తమ పనుల్లో మునిగిపోతుంటారు. అయితే కొందరు పిల్లలు మాత్రం ఇందుకు పూర్తి విరుద్ధంగా వ్యవహరిస్తుంటారు. పెద్దలు కూడా ఆశ్చర్యపోయేలా ప్రవర్తిస్తుంటారు. కొన్నిసార్లు..
చాలా మంది చిన్న పిల్లలకు ఆటలే లోకం. చుట్టూ ఉన్న ప్రపంచాన్ని మర్చిపోయి తమ పనుల్లో మునిగిపోతుంటారు. అయితే కొందరు పిల్లలు మాత్రం ఇందుకు పూర్తి విరుద్ధంగా వ్యవహరిస్తుంటారు. పెద్దలు కూడా ఆశ్చర్యపోయేలా ప్రవర్తిస్తుంటారు. కొన్నిసార్లు వాళ్లను చూసి పెద్దవాళ్లు కూడా చాలా నేర్చుకోవాలి.. అని అనిపిస్తుంటుంది. ఇలాంటి ఘటనలకు సంబంధించిన వీడియోలు సోషల్ మీడియాలో తెగ వైరల్ అవుతుంటాయి. ప్రస్తుతం ఇలాంటి వీడియో ఒకటి తెగ వైరల్ అవుతోంది. గాయపడ్డ తండ్రిని చూడగానే ఓ చిన్నారి చేసిన పని చూసి నెటిజన్లు ఫిదా అవుతున్నారు.
సోషల్ మీడియాలో ఓ చిన్నారి వీడియో (Viral video) తెగ చక్కర్లు కొడుతోంది. కాలికి తీవ్రగాయమైన ఓ వ్యక్తి.. చేతి కర్రల సాయంతో మెల్లిగా నడుచుకుంటూ ఇంట్లోకి వస్తుంటాడు. ఆ సమయంలో ఆడుకుంటూ ఉన్న చిన్నారి (girl) .. ఊతకర్రల సాయంతో వస్తున్న తండ్రిని చూసి వెంటనే అలెర్ట్ అవుతుంది. పరుగు పరుగున ఓ టేబుల్ వద్దకు వెళ్లి.. లోపలికి ఉన్న కుర్చీని బయటికి లాగుతుంది. తర్వాత మళ్లీ తండ్రి వద్దకు పరుగెత్తుకుంటూ వెళ్లి.. కుర్చీ వద్దకు వచ్చేందుకు సాయం (child helped her father) చేస్తుంది. ‘‘జాగ్రత్త నాన్నా! మెల్లిగా నడువు’’.. అన్నట్లుగా చేతులు పట్టుకుని మెల్లిగా కుర్చీ వద్దకు తీసుకొస్తుంది.
తండ్రి కుర్చీలో కూర్చున్న తర్వాత అతడి వద్ద ఉన్న చేతి కర్రలను తీసి పక్కన పెడుతుంది. కూతురు చూపించిన ప్రేమకు తండ్రి సంతోషంతో ఉబ్బితబ్బిబ్బవుతాడు. ఈ ఘటనకు సంబంధించిన వీడియో సోషల్ మీడియాలో వైరల్ అవుతోంది. దీనిపై నెటిజన్లు వివిధ రకాలుగా స్పందిస్తున్నారు. ‘‘ఎంత తెలివైన చిన్నారి’’.. అని కొందరు, ‘‘ఈ చిన్నారిని చూసి ఎంతో నేర్చుకోవాల్సి ఉంది’’.. అని మరికొందరు కామెంట్లు పెడుతున్నారు. ఈ వీడియో ప్రస్తుతం లక్షల్లో వ్యూస్‌ను సొంతం చేసుకుంది.
