Amit Shah : ఆర్టికల్‌ 370ని పునరుద్ధరిస్తారా?
ABN , Publish Date - Aug 24 , 2024 | 04:25 AM
రానున్న జమ్మూ-కశ్మీర్‌ అసెంబ్లీ ఎన్నికల్లో నేషనల్‌ కాన్ఫరెన్స్‌- కాంగ్రె్‌సలు పొత్తు కుదుర్చుకోవడంపై కేంద్ర హోం మంత్రి అమిత్‌ షా మండిపడ్డారు.
కాంగ్రెస్‌, నేషనల్‌ కాన్ఫరెన్స్‌ పొత్తుపై అమిత్‌ షా
న్యూఢిల్లీ, ఆగస్టు 23: రానున్న జమ్మూ-కశ్మీర్‌ అసెంబ్లీ ఎన్నికల్లో నేషనల్‌ కాన్ఫరెన్స్‌- కాంగ్రె్‌సలు పొత్తు కుదుర్చుకోవడంపై కేంద్ర హోం మంత్రి అమిత్‌ షా మండిపడ్డారు. అధికారంపై యావతో దేశ భద్రత, సమగ్రతను ఫణంగా పెట్టి ఈ రెండు పార్టీలు పొత్తు పెట్టుకున్నాయని విమర్శించారు.
పాకిస్థాన్‌తో చర్చలను పునఃప్రారంభించడం, జమ్మూ-కశ్మీర్‌ ప్రత్యేక జెండా (ఎర్ర జెండా)ను, 370 అధికరణాన్ని పునరుద్ధరించడం వంటి అంశాలను నేషనల్‌ కాన్ఫరెన్స్‌ తన ఎన్నికల మేనిఫెస్టోలో పెట్టిందని, వాటికి కాంగ్రెస్‌ మద్దతు ఇస్తున్నట్టేనా అని ప్రశ్నించారు. ఈ సందర్భంగా కాంగ్రెస్‌కు ఆయన పది ప్రశ్నలను సంధించారు.
