PM Modi: బండారు దత్తాత్రేయ మనవరాలిని మెచ్చుకున్న ప్రధాని మోదీ

హైదరాబాద్: హర్యానా గవర్నర్ బండారు దత్తాత్రేయ ( andaru Dattatreya ) మనవరాలు జశోధర ( Jasodhara ) ప్రధాన మంత్రి నరేంద్రమోదీ ( PM Modi ) పై పద్య గానం చేశారు. జశోధర ప్రధానమంత్రి మోదీని ప్రశంసిస్తూ పాడిన ఒక పద్యం వీడియోను బండారు దత్తాత్రేయ తన ఎక్స్ (X) ఖాతాలో పోస్ట్ చేశారు. ప్రధాన మంత్రి నరేంద్రమోదీ ఈ వీడియోని చూసి జశోధరకి అభినందనలు తెలిపారు. ఈ వీడియోపై ప్రధాని మోదీ ప్రతిస్పందిస్తూ.. “సృజనాత్మకం మరియు ఆరాధనీయమైనది. ఆమె మాటలు కూడా గొప్ప శక్తికి మూలం.” అని తన X ఖాతా ద్వారా పీఎం మోదీ సమాధానమిచ్చారు. మోదీ అభినందనలు చెప్పడంతో చిన్నారి, తన తల్లిదండ్రులు హర్షం వ్యక్తం చేశారు.