Nattikumar: జగన్ గుర్తుపెట్టుకో.. ఆ ప్రభుత్వం రావడం ఖాయం

అమరావతి: సీఎం జగన్ ( CM Jagan ) పెయిడ్ ఆర్టిస్టుల మీద ఆధారపడి బతుకుతున్నాడని ప్రముఖ నిర్మాత నట్టికుమార్ ( Nattikumar ) వ్యాఖ్యానించారు. గురువారం నాడు ఆయన మీడియాతో మాట్లాడుతూ... జగన్ ఓటమిని ఒప్పుకున్నట్లు మాట్లాడుతున్నారని.. మీ బాబాయి చావుకు కారణం ఇప్పటికీ కనిపెట్టలేకపోయారన్నారు. తన చెల్లెలు షర్మిలను కూడా ఎవరెవరితోనో తిట్టిస్తున్నారని మండిపడ్డారు. జగన్.. తన తల్లి, చెల్లికి ఇచ్చే గౌరవం‌ ఎంటో కనబడుతోందన్నారు. వైసీపీ గెలుపుపై నమ్మకంలేకే ఎమ్మెల్యేలు, సీట్లను మారుస్తున్నారని ఎద్దేవా చేశారు. వైసీపీకి రాబోయే ఎన్నికల్లో డిపాజిట్లు కూడా రావని విమర్శించారు. చంద్రబాబు, పవన్ ప్రభుత్వాన్ని ఏర్పాటు చేయడం ఖాయమన్నారు. ఒక పక్కన ప్రజలు బాధపడుతుంటే.. మరోవైపు సీఎం జగన్ నవ్వుకుంటూ తిరుగుతున్నాడని దెప్పిపొడిశారు. ప్రజలు అభివృద్ధిని కోరుకుంటున్నారని చెప్పారు. ఉద్యోగులకు జీతాలు ఇవ్వలేరు.. కానీ కొండపై 500 కోట్లు పెట్టి బిల్డింగ్‌లను మాత్రం కట్టించుకుంటారని మండిపడ్డారు. విశాఖపట్నంలోని రామానాయుడు స్టూడియోను.. తన కార్యాలయంగా మార్చుకుంటానని చెబితే కోర్టు మొట్టికాయలు వేసిందన్నారు. ఏపీలో కరెంట్ లేకుండానే ప్రజల నుంచి భారీగా బిల్లులు చేస్తున్నారని ధ్వజమెత్తారు. ప్రతి డిపార్ట్మెంట్‌లో అవినీతి బాగా పెరిగిపోయిందని ఆరోపించారు.

జగన్ ఇంకా తన టైమ్ మూడు నెలలే .. తర్వాత చంద్రబాబు గవర్నమెంట్ వస్తుందన్నారు. ఎమ్మెల్యే, ఎంపీలు అవినీతిలో కూరుకుపోయారని.. సీఎం లగ్జరీలలో మునిగి తెలుతున్నారన్నారు. విశాఖపట్నంలో మంత్రి బొత్సా సత్యనారాయణ, ఎంవీవీ కోట్లు దండుకున్నారని మండిపడ్డారు. ఏపీ అభివృద్ధి చెందాలంటే చంద్రబాబు, పవన్ కల్యాణ్‌లను గెలిపించాలని పిలుపునిచ్చారు. మంత్రి అంబటి రాంబాబు సంబురాల డాన్సులకు తప్ప పోలవరానికి పనికిరాడని. మంత్రి. రోజా టూరిజాన్ని ఏం డెవలప్ చేసిందని ప్రశ్నించారు. మంత్రి అమర్నాధ్‌కు సీటు ఇవ్వలేదన్నారు. వైసీపీలో ఏ ఒక్కరు గెలవరని.. అందుకే రిజైన్ చేసి బయటకు వస్తున్నారని చెప్పారు. వైసీపీ త్వరలోనే భూ స్దాపితం అవుతుందని చెప్పారు. టీడీపీ, జనసేన కార్యకర్తలు కలిసి ముందడుగు వేయాలని కోరారు. కాపులు ఎవరికీ సపోర్ట్ చేయాలనేది వారి ఇష్టమని.. కాపు సీఎం కావాలనే కల కాపులందరికీ ఉందన్నారు. టీడీపీకి భావితరం నాయకుడు లోకేష్ మాత్రమేనని చెప్పారు. కాంగ్రెస్ ఓటు బ్యాంక్‌ను షర్మిల పెంచుతారని.. వైసీపీ నుంచే ఓట్లు షర్మిలకు షిఫ్ట్ అవుతాయని నట్టికుమార్ తెలిపారు.