Viral Video: ఇలాంటి బస్సులు కూడా ఉన్నాయా.. కిటికీ నుంచి ఎక్కుతుండగా.. ఒక్కసారిగా..
ABN , Publish Date - Jul 23 , 2024 | 05:08 PM
రైలు, బస్సు ప్రయాణాల్లో సీటు కోసం ప్రయాణికులు పడే అవస్థలు రోజూ చూస్తూనే ఉంటాం. ఎలాగైనా సీటు సంపాదించాలనే ఆతృతలో వినూత్న విన్యాసాలు చేస్తుంటారు. ఒకరినొకరు తోసుకుంటూ కొన్నిసార్లు, కిటికీల నుంచి..
![Viral Video: ఇలాంటి బస్సులు కూడా ఉన్నాయా.. కిటికీ నుంచి ఎక్కుతుండగా.. ఒక్కసారిగా..](https://media.andhrajyothy.com/media/2024/20240707/student_falling_down_from_b_02aea781c1_v_jpg.webp)
రైలు, బస్సు ప్రయాణాల్లో సీటు కోసం ప్రయాణికులు పడే అవస్థలు రోజూ చూస్తూనే ఉంటాం. ఎలాగైనా సీటు సంపాదించాలనే ఆతృతలో వినూత్న విన్యాసాలు చేస్తుంటారు. ఒకరినొకరు తోసుకుంటూ కొన్నిసార్లు, కిటికీల నుంచి లోపలికి దూరి మరికొన్నిసార్లు సీటు కోసం పాట్లు పడుతుంటారు. ఈ క్రమంలో కొందరు ఎట్టకేలకు సీటు పొందితే.. ఇంకొందరికి షాకింగ్ ఘటనలు ఎదురవుతుంటాయి. ఈ తరహా ఘటనలకు సంబంధించిన వీడియోలు సోషల్ మీడియాలో తెగ వైరల్ అవుతుంటాయి. తాజాగా, ఇలాంటి వీడియో ఒకటి నెట్టింట తెగ చక్కర్లు కొడుతోంది. బస్సులో సీటు కోసం ఓ విద్యార్థి కిటికీలో నుంచి లోపలికి దూరేందుకు ప్రయత్నించాడు. ఈ క్రమంలో చివరకు షాకింగ్ ఘటన చోట చేసుకుంది.
సోషల్ మీడియాలో ఓ వీడియో (Viral Video) తెగ వైరల్ అవుతోంది. ఈ ఘటన మహారాష్ట్రలో (Maharashtra) జరిగినట్లుగా తెలుస్తోంది. ఓ విద్యార్థి ఇంటికి వెళ్లే క్రమంలో బస్సు కోసం వేచి చూస్తున్నాడు. ఇంతలో అక్కడికి ఓ బస్సు వచ్చి ఆగింది. అయితే ఆ బస్సు కోసం అప్పటికే చాలా మంది ఎదురుచూస్తుండడంతో అందరికీ సీటు దొరకడం కష్టంగా మారింది. ఈ క్రమంలో సదరు విద్యార్థి ఎలాగైనా సీటు సంపాదించాలనే ఉద్దేశంతో బస్సు మధ్యలోకి వెళ్లి తన బ్యాగును కిటికీలో నుంచి లోపలికి విసిరేశాడు.
ఆ తర్వాత తానూ కిటికీలో నుంచి బస్సులోకి వెళ్లేందుకు ప్రయత్నించాడు. ముందుగా కిటికీని రెండు చేతులతో పట్టుకుని కాళ్లు లోపలికి పెట్టాడు. ఆ తర్వాత కిటికీపై అంచు పట్టుకుని లోపలికి వెళ్లే ప్రయత్నం చేశాడు. అయితే ఈ క్రమంలో ఈ క్రమంలో కిటికీ మొత్తం ఊడిపోయింది. దీంతో కిటికీతో పాటూ అతను(student falling from bus window) కూడా ధబేల్మని కిందపడ్డాడు. ఈ ఘటనతో అక్కడున్న విద్యార్థులంతా షాక్ అయ్యారు. కింద ఉన్న కొందరు పరుగుపరుగున అక్కడికి వెళ్లి విద్యార్థిని పైకి లేపారు.
Viral Video: ఒక ఏసీతో రెండు అంతస్తుల్లో కూలింగ్.. ఇతడి టెక్నిక్ చూస్తే అవాక్కవ్వాల్సిందే..
ఈ ఘటనలో అతడికి స్వల్ప గాయాలైనట్లు తెలుస్తోంది. బస్సు పాతది కావడంతో కిటికీలు కూడా దెబ్బతిన్నాయి. దీంతోనే ఈ ప్రమాదం జరిగింది. కాగా, ఈ వీడియో ప్రస్తుతం సోషల్ మీడియాలో తెగ వైరల్ అవుతోంది. దీనిపై నెటిజన్లు వివిధ రకాలుగా స్పందిస్తున్నారు. ‘‘అరే.. ఇదేంట్రా బాబోయ్.. ఈ బస్సు మరీ దారుణంగా ఉందే’’.. అంటూ కొందరు, ‘‘ఇలాంటి బస్సులను సీజ్ చేయాలి’’.. అంటూ మరికొందరు, ‘‘ఇలాంటి సాహసాలు ఎవరూ చేయొద్దు’’.. అంటూ ఇంకొందరు కామెంట్లు చేస్తున్నారు. ఈ వీడియో ప్రస్తుతం లక్షకు పైగా వ్యూస్ను సొంతం చేసుకుంది.
Viral Video: జాతరలో రద్దీ జనం మధ్య జంట విచిత్ర నిర్వాకం.. ముద్దులు పెట్టుకుంటూ..